પ્રાઇમ વિડિયોનો રિયાલિટી શો ‘ધ અલાયન્સ’ (The Alliance) હાલમાં દર્શકોને ખૂબ જ પસંદ આવી રહ્યો છે. આ શોમાં અલી ગોની અને સીમા સજદેહ જેવા સ્ટાર્સ બાદ હવે વધુ એક પોપ્યુલર હસીનાની એન્ટ્રી થવા જઈ રહી છે. આ હસીના રિયાલિટી શોનો જાણીતો ચહેરો છે. તે બિગ બોસના ઘરમાં સલમાન ખાન સાથે પણ બોલાચાલી કરીને ચર્ચામાં આવી ચૂકી છે.
સ્પિલ્ટિસવિલા 15થી મળી હતી ઓળખ
આ બોલ્ડ હસીનાનું નામ કશિશ કપૂર (Kashish Kapoor) છે. કશિશ કપૂર સૌથી પહેલા ડેટિંગ રિયાલિટી શો ‘સ્પિલ્ટિસવિલા 15’ માં જોવા મળી હતી. ત્યારબાદ તેણે ‘બિગ બોસ 18’ માં વાઈલ્ડ કાર્ડ તરીકે એન્ટ્રી લીધી હતી. કશિશ તેની બોલ્ડ પર્સનાલિટી અને બિન્દાસ અંદાજ માટે જાણીતી છે. તે કોઈની પણ સામે પોતાની વાત રાખતા ડરતી નથી.
બિગ બોસમાં સલમાન ખાન સાથે થયો હતો મોટો વિવાદ
બિગ બોસના ઘરની અંદર કશિશ કપૂરે ઘણો હોબાળો મચાવ્યો હતો. એક એપિસોડ દરમિયાન કશિશે તેના કો-કન્ટેસ્ટન્ટ અવિનાશ પર ફ્લર્ટિંગના ગંભીર આરોપો લગાવ્યા હતા.
-
જ્યારે હોસ્ટ સલમાન ખાને વીકેન્ડ કા વાર પર આ મુદ્દે સવાલો પૂછ્યા, ત્યારે કશિશ પોતાની વાત પર અડી રહી હતી.
-
તેણે સલમાન ખાન સાથે પણ દલીલો કરી હતી અને પંગો લીધો હતો.
-
આ વાતથી નારાજ થઈને સલમાન ખાને તે એપિસોડમાં કશિશ સાથે વાત કરવાનું બંધ કરી દીધું હતું.
-
જો કે, પછીના એપિસોડમાં કશિશે સલમાન ખાનની માફી માંગી લીધી હતી અને મામલો થાળે પડ્યો હતો.
વેકેશન પૂરું કરીને સીધી શોમાં એન્ટ્રી કરશે
અહેવાલો અનુસાર, કશિશ કપૂર હાલમાં યુરોપમાં વેકેશન માણી રહી છે. મુંબઈ એરપોર્ટ પર લેન્ડ થતાં જ તે કોઈ બ્રેક લીધા વિના સીધી ‘ધ અલાયન્સ’ ના સેટ પર પહોંચશે. શોના મેકર્સ અને પ્રોડક્શન ટીમ પણ કશિશની એન્ટ્રીને લઈને ખૂબ જ ઉત્સાહિત છે. મેકર્સનું માનવું છે કે કશિશની એન્ટ્રીથી શોમાં એક નવી એનર્જી અને ડ્રામા જોવા મળશે.
