Gold Silver Rate Today: જો તમે સોનું કે ચાંદી ખરીદવાનું વિચારી રહ્યા છો, તો તમારા માટે સારા સમાચાર છે. વૈશ્વિક તણાવ વચ્ચે પણ ભારતીય બજારમાં કિંમતી ધાતુઓના ભાવમાં મોટો ઘટાડો જોવા મળ્યો છે. સોમવારે બજાર ખુલતાની સાથે જ સોના અને ચાંદીના ભાવ ગગડ્યા છે.
ચાંદીમાં તોતિંગ ઘટાડો
સોમવારે મલ્ટી કોમોડિટી એક્સચેન્જ (MCX) પર ચાંદીના ભાવમાં મોટો કડાકો નોંધાયો છે.
-
શુક્રવારનો બંધ ભાવ: ₹2,59,435
-
સોમવારનો ખુલતો ભાવ: ₹2,48,474
-
એક દિવસનો ઘટાડો: ₹10,961 નોંધનીય છે કે, ગત 29 જાન્યુઆરીએ ચાંદી ₹4,20,048ની ઐતિહાસિક સપાટી પર હતી. તેની સરખામણીએ અત્યાર સુધીમાં ચાંદી પ્રતિ કિલો ₹1,71,574 જેટલી સસ્તી થઈ ચૂકી છે.
સોનાના ભાવમાં પણ ગાબડું
ચાંદીની સાથે સોનાના ભાવમાં પણ કડાકો જોવા મળ્યો છે. MCX પર સોનાના ભાવ નીચે મુજબ રહ્યા:
-
અગાઉનો ભાવ: ₹1,58,466
-
આજનો ભાવ: ₹1,55,315 (પ્રતિ 10 ગ્રામ)
-
ઘટાડો: ₹3,151 29 જાન્યુઆરીએ સોનું ₹1,93,096ની ટોચે હતું. જે હવે ₹40,874 જેટલું સસ્તું મળી રહ્યું છે.
યુદ્ધ વચ્ચે ભાવ કેમ ઘટી રહ્યા છે?
સામાન્ય રીતે યુદ્ધ જેવી સ્થિતિમાં સોના-ચાંદીના ભાવ વધતા હોય છે. પરંતુ હાલમાં અમેરિકા અને ઈરાન વચ્ચેના તણાવ છતાં ભાવ ઘટી રહ્યા છે.
મુખ્ય કારણો:
-
વૈશ્વિક બજારના આર્થિક પરિબળોમાં ફેરફાર.
-
રોકાણકારો દ્વારા પ્રોફિટ બુકિંગ.
-
આંતરરાષ્ટ્રીય સ્તરે ડોલરની મજબૂતી.
નિષ્ણાતોના મતે, આગામી દિવસોમાં બજારમાં હજુ પણ વધ-ઘટ જોવા મળી શકે છે. જો તમે રોકાણ કરવા માંગતા હોવ, તો આ ઘટાડો એક તક સમાન સાબિત થઈ શકે છે.
