ગુજરાતના વાલીઓ માટે મોટા સમાચાર સામે આવ્યા છે. શૈક્ષણિક વર્ષ 2026-27 માટે RTE (Right to Education) હેઠળ પ્રવેશ પ્રક્રિયાની જાહેરાત થઈ ગઈ છે. ખાનગી શાળાઓમાં ધોરણ-1 માં મફત એડમિશન મેળવવા માટે આગામી 4 એપ્રિલથી ઓનલાઇન ફોર્મ ભરી શકાશે.
RTE એડમિશન 2026 નો મહત્વનો કાર્યક્રમ
પ્રાથમિક શિક્ષણ નિયામક દ્વારા જાહેર કરાયેલા નોટિફિકેશન મુજબ ફોર્મ ભરવાની તારીખો નીચે મુજબ છે:
-
ફોર્મ ભરવાની શરૂઆત: 4 એપ્રિલ, 2026
-
ફોર્મ ભરવાની છેલ્લી તારીખ: 17 એપ્રિલ, 2026
-
સત્તાવાર વેબસાઇટ: rte.orpgujarat.com
કોણ અરજી કરી શકે?
Right to Education એક્ટ 2009 હેઠળ નબળા અને વંચિત જૂથના બાળકોને ખાનગી શાળાઓમાં 25% અનામત બેઠકો પર મફત પ્રવેશ આપવામાં આવે છે. આમાં અનુસૂચિત જાતિ, અનુસૂચિત જનજાતિ, સામાજિક અને શૈક્ષણિક રીતે પછાત વર્ગ તેમજ આર્થિક રીતે નબળા વર્ગના બાળકોનો સમાવેશ થાય છે.
જરૂરી ડોક્યુમેન્ટ્સની યાદી (Checklist)
ઓનલાઇન ફોર્મ ભરતી વખતે નીચે મુજબના આધાર-પુરાવા તૈયાર રાખવા જરૂરી છે:
-
બાળકનો જન્મનો દાખલો.
-
રહેઠાણનો પુરાવો (આધાર કાર્ડ/રેશન કાર્ડ/વીજળી બિલ).
-
પિતા/વાલીનો આવકનો દાખલો.
-
જાતિનો દાખલો (જો લાગુ પડતો હોય તો).
-
બાળકનો પાસપોર્ટ સાઇઝનો ફોટો.
-
બેંક પાસબુકની નકલ.
ફોર્મ ભરતી વખતે ધ્યાનમાં રાખવા જેવી બાબતો
-
અરજી માત્ર ઓનલાઇન માધ્યમથી જ કરવાની રહેશે.
-
ફોર્મ ભર્યા બાદ તેની પ્રિન્ટ ક્યાંય જમા કરાવવા જવાની જરૂર નથી.
-
ખોટી માહિતી આપનારની અરજી રદ થઈ શકે છે.
-
વધુ વિગત માટે સત્તાવાર પોર્ટલ પર આપેલી માર્ગદર્શિકા વાંચી લેવી.
કેવી રીતે કરશો અરજી?
સૌ પ્રથમ RTEની ઓફિશિયલ વેબસાઇટ rte.orpgujarat.com પર જાવ. ત્યાં ‘New Application’ પર ક્લિક કરી જરૂરી વિગતો ભરો. ત્યારબાદ તમામ ડોક્યુમેન્ટ્સ સ્કેન કરીને અપલોડ કરો અને ફોર્મ સબમિટ કરો.
નોંધ: એડમિશન પ્રક્રિયામાં કોઈપણ પ્રકારની છેતરપિંડીથી બચવા માટે માત્ર સત્તાવાર વેબસાઇટનો જ ઉપયોગ કરવો.
