મિડલ ઈસ્ટમાં ચાલી રહેલા યુદ્ધને ચાર અઠવાડિયા વીતી ગયા છે, પરંતુ સ્થિતિ વધુ ગંભીર બની રહી છે. ડોનાલ્ડ ટ્રમ્પના શાંતિ પ્રસ્તાવને ઈરાને ફગાવી દેતા હવે વૈશ્વિક ઉર્જા સંકટ ઘેરો બન્યો છે. ઉર્જા નિષ્ણાતોએ ચેતવણી આપી છે કે જો આ સ્થિતિ મે મહિના સુધી ચાલશે તો વિશ્વનું અર્થતંત્ર ધરાશાયી થઈ શકે છે.
હોર્મુઝની નાકાબંધી અને તેલનું સંકટની અર્થતંત્ર પર અસર
વિશ્વના સૌથી મહત્વના જળમાર્ગ સ્ટ્રેટ ઓફ હોર્મુઝ (Strait of Hormuz) પર ઈરાનનો કબજો હોવાથી દુનિયાનો 20% તેલ પુરવઠો જોખમમાં મુકાયો છે. જાણીતા ઉર્જા અર્થશાસ્ત્રી અનસ અલ્હાજીએ ટ્વિટર (X) પર ચેતવણી આપી છે કે:
-
જો આ યુદ્ધ જલ્દી સમાપ્ત નહીં થાય, તો મે મહિનાની શરૂઆત સુધીમાં ગ્લોબલ ઈકોનોમી( અર્થતંત્ર ) પડી ભાંગશે.
-
એશિયન બજારોમાં ક્રૂડ ઓઈલની કિંમત અત્યારથી જ 120 ડોલર પ્રતિ બેરલની આસપાસ પહોંચી ગઈ છે.
-
જો તણાવ યથાવત રહેશે, તો તેલના ભાવ હજુ પણ વધી શકે છે, જેની સીધી અસર સામાન્ય જનતાના ખિસ્સા પર પડશે.
યુરોપ અને એશિયા પર અસર
યુરોપમાં ઉર્જા સંકટ એટલું વધી ગયું છે કે ત્યાં એનર્જી ઈમરજન્સી જેવી સ્થિતિ સર્જાઈ છે. બીજી તરફ, રશિયન તેલ પર નિર્ભરતા ઘટાડવાના યુરોપના વર્ષોના પ્રયત્નો આ યુદ્ધને કારણે નિષ્ફળ જઈ રહ્યા છે. એશિયાઈ દેશો, જેમાં ભારતનો પણ સમાવેશ થાય છે, ત્યાં મોંઘવારી વધવાનું જોખમ તોળાઈ રહ્યું છે.
