એડોલ્ફ હિટલર – એક એવું નામ જે ઇતિહાસમાં ક્રૂરતા અને નરસંહારનો પર્યાય માનવામાં આવે છે. બીજા વિશ્વ યુદ્ધના અંતમાં જ્યારે હિટલરને પોતાની હાર નિશ્ચિત લાગી, ત્યારે તેણે જે કર્યું તે આજે પણ વિશ્વ માટે ચર્ચાનો વિષય છે.
મોત પહેલાના છેલ્લા 24 કલાક અને લગ્ન
હિટલરના જીવનનો અંત અત્યંત નાટકીય રહ્યો હતો. 30 એપ્રિલ 1945ના રોજ આત્મહત્યા કરતા પહેલા હિટલરે તેની લાંબા સમયની પ્રેમિકા એવા બ્રોન સાથે લગ્ન કર્યા હતા. લગ્નના માત્ર 24 કલાકમાં જ હિટલરે સાયનાઈડ કેપ્સૂલ ખાઈને અને માથામાં ગોળી મારીને આત્મહત્યા કરી લીધી હતી. તેની પત્ની એવા બ્રોને પણ ઝેર ખાઈને જીવ આપ્યો હતો.
હિટલરે કેમ કરી આત્મહત્યા?
બીજા વિશ્વ યુદ્ધના અંતિમ દિવસોમાં સોવિયેત સંઘની સેનાએ બર્લિનને ચારે બાજુથી ઘેરી લીધું હતું. હિટલરને ડર હતો કે જો તે પકડાઈ જશે તો દુશ્મનો તેને અત્યંત અપમાનિત કરીને મારી નાખશે. દુશ્મનોના હાથે કેદ થવા કરતા હિટલરે મોતને વહાલું કર્યું. તેના વસીયતનામામાં તેણે યહૂદીઓને યુદ્ધ માટે જવાબદાર ઠેરવ્યા હતા.
કલાકાર બનવાની ઈચ્છાથી સરમુખત્યાર સુધીની સફર
-
જન્મ: 20 એપ્રિલ 1889, ઓસ્ટ્રિયા.
-
કલામાં રસ: હિટલર શરૂઆતમાં કલાકાર બનવા માંગતો હતો, પરંતુ આર્ટ એકેડમીમાં તેને બે વાર નિષ્ફળતા મળી.
-
પ્રથમ વિશ્વ યુદ્ધ: જર્મન સેનામાં જોડાયો અને બહાદુરી માટે ‘આયર્ન ક્રોસ’ મેળવ્યો.
-
નાઝી પાર્ટી: 1921માં નાઝી પાર્ટીનો નેતા બન્યો અને પોતાની વાકપટુતાથી લોકોને પ્રભાવિત કર્યા.
-
તાનાશાહી: 1934માં તેણે પોતાની જાતને ‘ફ્યુહરર’ (સર્વોચ્ચ નેતા) જાહેર કરી અને લોકશાહીનો અંત આણ્યો.
60 લાખ યહૂદીઓની ક્રૂર હત્યા (હોલોકાસ્ટ)
હિટલરનું નામ ઇતિહાસના પાના પર કલંક સમાન છે કારણ કે તેના શાસનકાળ દરમિયાન અંદાજે 60 લાખ યહૂદીઓની હત્યા કરવામાં આવી હતી. તેણે યહૂદીઓને ગેસ ચેમ્બરમાં પૂરીને, ગોળી મારીને કે ભૂખ્યા રાખીને મારી નાખ્યા હતા. હિટલરની નસ્લી શ્રેષ્ઠતાની વિચારધારાએ સમગ્ર યુરોપને લોહીથી નવડાવી દીધું હતું.
હિટલર વિશેની કેટલીક રસપ્રદ વાતો
-
હિટલર શુદ્ધ શાકાહારી હતો અને તેને કૂતરા પાળવાનો શોખ હતો.
-
તેને ચા પીવી ખૂબ ગમતી હતી.
-
તે ડ્રગ્સ (એમ્ફેટામાઈન) નો આદી થઈ ગયો હતો.
-
તેણે જેલમાં રહીને પ્રસિદ્ધ પુસ્તક ‘માઈન કામ્ફ’ (મેરો સંઘર્ષ) લખ્યું હતું.
હિટલરનું 1000 વર્ષ શાસન કરવાનું સપનું માત્ર 12 વર્ષમાં જ ચકનાચૂર થઈ ગયું. આજે હિટલર નફરત અને તાનાશાહીનું પ્રતીક છે.
હિટલરને જેલમાં કેમ જવું પડ્યું?
૧૯૨૩માં મૃત્યુ પહેલાં એડોલ્ફ હિટલરને એક વાર જેલમાં ધકેલી દેવામાં આવ્યો હતો. ૮ નવેમ્બર, ૧૯૨૩ના રોજ, બાવેરિયાના મ્યુનિકમાં એક બીયર હોલ (બર્ગર બ્રુકેલર) માં એક મેળાવડા દરમિયાન, હિટલર અને તેના નાઝી સાથીઓએ સરકાર સામે બીયર હોલ પુશ નામના નિષ્ફળ સશસ્ત્ર બળવાનો પ્રયાસ કર્યો. તેમનો ધ્યેય બાવેરિયા રાજ્ય સરકારને ઉથલાવી પાડવાનો હતો, પછી જર્મની તરફ કૂચ કરવાનો હતો, બર્લિન પર કબજો કરવાનો હતો અને વર્સેલ્સની સંધિને રદ કરવાનો હતો. હિટલરે પોતાને “રાષ્ટ્રીય ક્રાંતિ”નો નેતા જાહેર કર્યો અને જનરલ લુડેનડોર્ફ સાથે મળીને આ પ્રયાસ કર્યો. જોકે, આ બળવો સંપૂર્ણ નિષ્ફળ ગયો. પોલીસે ગોળીબાર કર્યો, જેમાં ૧૬ નાઝી સમર્થકો માર્યા ગયા. ભાગી જવાનો પ્રયાસ કરતી વખતે હિટલર ઘાયલ થયો અને બાદમાં તેની ધરપકડ કરવામાં આવી. ડિસેમ્બર ૧૯૨૩માં, હિટલરને રાજદ્રોહનો દોષી ઠેરવવામાં આવ્યો અને પાંચ વર્ષની જેલની સજા ફટકારવામાં આવી. જોકે, જર્મનીની મધ્યમ નીતિઓને કારણે, તેણે લેન્ડ્સબર્ગ જેલમાં માત્ર નવ મહિના સેવા આપી.
