ઈરાન અને અમેરિકા વચ્ચે ચાલી રહેલા યુદ્ધે હવે નવો વળાંક લીધો છે. સંયુક્ત આરબ અમીરાત (UAE) એ સ્પષ્ટ કર્યું છે કે આ યુદ્ધ અમેરિકાએ શરૂ કર્યું છે, તેથી તેનાથી થયેલા નુકસાનની ભરપાઈ પણ વોશિંગ્ટને જ કરવી પડશે.
યુદ્ધના કારણે અખાતી દેશોને ભારે આર્થિક ફટકો
વોલ સ્ટ્રીટ જર્નલના અહેવાલ મુજબ, UAE એ અમેરિકા પાસે યુદ્ધના વળતર તરીકે નાણાકીય ગેરંટી માંગી છે. ઈરાન સાથેના સંઘર્ષમાં દુબઈ અને અન્ય વિસ્તારોમાં તેલ ટર્મિનલ્સ અને નાગરિક ઈમારતોને ભારે નુકસાન પહોંચ્યું છે.
-
અમેરિકાનો ખર્ચ: યુદ્ધ શરૂ થયા બાદ અમેરિકા દરરોજ 1 અબજ ડોલર ખર્ચી રહ્યું છે.
-
નુકસાનનો અંદાજ: સાઉદી અને UAE માં ઈન્ફ્રાસ્ટ્રક્ચર રિપેરિંગનો ખર્ચ 60 અબજ ડોલરથી વધુ થવાનો અંદાજ છે.
-
તેલ સુવિધાઓ: તેલ અને ગેસ સેક્ટરને ફરી બેઠું કરવા માટે જ 50 અબજ ડોલરની જરૂર છે.
ડોલરના વર્ચસ્વ પર સંકટ: યુઆન તરફ શિફ્ટ થવાની ધમકી
UAE એ અમેરિકાને સૌથી મોટી ચેતવણી ડોલર મુદ્દે આપી છે. UAE સેન્ટ્રલ બેંકના ગવર્નરે સંકેત આપ્યો છે કે જો યુદ્ધ લાંબુ ચાલશે અને ડોલરની આવકમાં ઘટાડો થશે, તો તેઓ તેલના વેપાર માટે ચીની ચલણ યુઆન (Yuan) નો ઉપયોગ કરી શકે છે. જો આવું થશે તો તે વૈશ્વિક સ્તરે અમેરિકી ડોલરના વર્ચસ્વ માટે મોટો ફટકો સાબિત થઈ શકે છે.
ટ્રમ્પ માટે વધતી મુસીબત
રાષ્ટ્રપતિ ડોનાલ્ડ ટ્રમ્પ માટે આ સ્થિતિ ધર્મસંકટ સમાન છે.
-
જો અમેરિકા UAE ને વળતર આપે, તો સાઉદી અરેબિયા અને કતાર જેવા અન્ય દેશો પણ વળતરની માંગ કરી શકે છે.
-
બીજી તરફ, ઈરાને પણ અખાતી દેશો પાસે 270 અબજ ડોલરના વળતરની માંગ કરી છે.
-
22 એપ્રિલે યુદ્ધવિરામ સમાપ્ત થઈ રહ્યો છે અને શાંતિ વાટાઘાટોમાં કોઈ ખાસ પ્રગતિ થઈ નથી.
