હિન્દી સિનેમાના શહેનશાહ અમિતાભ બચ્ચન (Amitabh Bachchan) છેલ્લા પાંચ દાયકાથી કરોડો દિલો પર રાજ કરે છે. પરંતુ શું તમે જાણો છો કે એક સુપરસ્ટાર એવો પણ હતો જેને જોઈને બિગ બી પોતે દંગ રહી ગયા હતા? આ સ્ટાર બીજું કોઈ નહીં પણ પૉપ સિંગર માઈકલ જેક્સન (Michael Jackson) હતા.
હોટલના રૂમમાં અચાનક એન્ટ્રી
અમિતાભ બચ્ચને ‘કોણ બનેગા કરોડપતિ’ (KBC) ના સેટ પર આ કિસ્સો શેર કર્યો હતો. બિગ બીએ જણાવ્યું કે તે ન્યૂયોર્કની એક હોટલમાં રોકાયા હતા. અચાનક તેમના રૂમના દરવાજે ટકોરા પડ્યા. જ્યારે તેમણે દરવાજો ખોલ્યો તો સામે માઈકલ જેક્સન ઉભા હતા.
બિગ બીએ કહ્યું, “તેમને જોઈને હું લગભગ બેભાન જેવી હાલતમાં આવી ગયો હતો. મને વિશ્વાસ નહોતો આવતો કે દુનિયાનો આટલો મોટો સ્ટાર મારા રૂમની સામે છે.”
ભૂલથી બીજા રૂમમાં આવી ગયા હતા જેક્સન
વાસ્તવમાં, માઈકલ જેક્સન ભૂલથી બિગ બીના રૂમમાં આવી ગયા હતા. જ્યારે અમિતાભે તેમને જણાવ્યું કે આ તેમનો રૂમ નથી, ત્યારે જેક્સનને પોતાની ભૂલ સમજાઈ હતી. જોકે, આ મુલાકાત અહીં પૂરી ન થઈ. માઈકલ જેક્સને બાદમાં તેમના સ્ટાફને મોકલીને અમિતાભ સાથે મુલાકાત કરી અને બંને વચ્ચે લાંબી વાતચીત થઈ હતી. બિગ બીએ જેક્સનની વિનમ્રતાના ખૂબ વખાણ કર્યા હતા.
માઈકલ જેક્સનની બાયોપિક રિલીઝ
પૉપ સિંગર માઈકલ જેક્સનના જીવન પર આધારિત ફિલ્મ ‘માઈકલ’ (Michael) હાલમાં જ સિનેમાઘરોમાં રિલીઝ થઈ છે.
-
નિર્દેશક: એન્ટોની ફુક્વા.
-
મુખ્ય ભૂમિકા: માઈકલ જેક્સનના ભત્રીજા જાફર જેક્સને આ ફિલ્મમાં લીડ રોલ કર્યો છે.
-
આ ફિલ્મથી જાફરે હોલીવુડમાં ડેબ્યૂ કર્યું છે અને તેના અભિનયના ખૂબ વખાણ થઈ રહ્યા છે.
