સ્વતંત્રતા દિવસ 2026ના પાવન અવસર પર કેન્દ્ર સરકાર દ્વારા પોલીસ દળના જવાનો અને અધિકારીઓ માટે પ્રતિષ્ઠિત રાષ્ટ્રપતિ મેડલની જાહેરાત કરવામાં આવી છે. આ વર્ષે ગુજરાત પોલીસ બેડાનું ગૌરવ વધારતા રાજ્યના 19 પોલીસ અધિકારીઓ અને કર્મચારીઓની રાષ્ટ્રપતિ મેડલ માટે પસંદગી કરવામાં આવી છે.
પોલીસ ક્ષેત્રે ઉત્કૃષ્ટ કામગીરી, અપ્રતિમ શિસ્ત અને નિષ્ઠાવાન સેવાઓ બદલ ઉચ્ચ પોલીસ અધિકારીઓથી લઈને હેડ કોન્સ્ટેબલ કક્ષાના જવાનોને આ પ્રતિષ્ઠિત સન્માન એનાયત કરવામાં આવશે.
પોલીસ એવોર્ડ્સની મુખ્ય શ્રેણીઓ
કેન્દ્ર સરકાર દ્વારા પોલીસ દળની ઉત્કૃષ્ટ કામગીરીને બિરદાવવા માટે વિવિધ શ્રેણીઓમાં મેડલ એનાયત કરવામાં આવે છે:
-
વીરતા મેડલ (Gallantry Medal): પોતાના જીવના જોખમે વિશિષ્ટ સાહસ દાખવી ગુના અટકાવવા, આતંકી કે અસામાજિક તત્વો સામે લડવા અથવા નાગરિકોના પ્રાણ બચાવવા બદલ આપવામાં આવે છે.
-
પ્રેસિડેન્ટ સેવા મેડલ (President’s Medal for Distinguished Service – PSM): સમગ્ર સેવાકાળ દરમિયાન સતત ઉત્કૃષ્ટ અને વિશિષ્ટ રેકોર્ડ ધરાવતા અધિકારીઓને આ સર્વોચ્ચ સન્માન આપવામાં આવે છે.
-
મેઘાવી સેવા મેડલ (Meritorious Service Medal – MSM): શિસ્તબદ્ધતા, સાધનસંપન્નતા અને અડગ કર્તવ્યનિષ્ઠા સાથે કરેલી મૂલ્યવાન સેવાઓ બદલ આ મેડલ એનાયત કરાય છે.
