IPL 2026: ચેન્નાઈ સુપર કિંગ્સના કેપ્ટન ઋતુરાજ ગાયકવાડે ગુજરાત ટાઇટન્સ સામેની મેચમાં એક મોટી સિદ્ધિ હાંસલ કરી છે. ચેપોક સ્ટેડિયમમાં રમાયેલી આ મેચમાં ગાયકવાડે એવી બેટિંગ કરી કે તે હવે મહેન્દ્ર સિંહ ધોની અને સુરેશ રૈના જેવા દિગ્ગજોની હરોળમાં આવી ગયો છે.
CSK માટે પૂરા કર્યા 100 છગ્ગા
ગુજરાત સામેની મેચમાં પોતાની ઇનિંગનો ત્રીજો છગ્ગો ફટકારતાની સાથે જ ઋતુરાજે CSK માટે 100 છગ્ગા પૂરા કર્યા છે. આ સિદ્ધિ મેળવનાર તે ચેન્નાઈનો માત્ર ચોથો બેટ્સમેન બન્યો છે.
CSK માટે સૌથી વધુ છગ્ગા ફટકારનાર ખેલાડીઓ:
-
એમએસ ધોની: 234 છગ્ગા
-
સુરેશ રૈના: 180 છગ્ગા
-
શિવમ દુબે: 105 છગ્ગા
-
ઋતુરાજ ગાયકવાડ: 101* છગ્ગા
કેપ્ટન ઇનિંગ અને શાનદાર કરિયર
આ મેચમાં ઋતુરાજે શાનદાર કપ્તાની ઇનિંગ રમી હતી. તેણે 60 બોલમાં 74 રન બનાવ્યા હતા, જેમાં 6 ચોગ્ગા અને 4 છગ્ગા સામેલ હતા. ઋતુરાજે માત્ર 79 મેચમાં આ આંકડો પાર કર્યો છે. તેના નામે IPLમાં અત્યાર સુધી 2 સદી અને 21 અર્ધસદી નોંધાયેલી છે.
રન બનાવવામાં પણ ચોથા સ્થાને
ગાયકવાડ હવે CSK માટે સૌથી વધુ રન બનાવનાર ચોથો ખેલાડી પણ બની ગયો છે. તેની આગળ માત્ર ધોની (4865 રન), રૈના (4687 રન) અને ફાફ ડુ પ્લેસિસ (2721 રન) છે. 2020માં ટીમ સાથે જોડાયા બાદ ઋતુરાજ સતત શાનદાર પ્રદર્શન કરી રહ્યો છે.
૨૦૨૦ માં સીએસકેમાં જોડાયા પછી, રુતુરાજ ગાયકવાડ ટીમમાં મુખ્ય ખેલાડી બની ગયા છે. તેમની સૌથી પ્રભાવશાળી સીઝન ૨૦૨૧ હતી, જ્યારે તેમણે ૬૩૫ રન બનાવ્યા, ઓરેન્જ કેપ જીતી, અને ટીમના ચોથા આઈપીએલ ટાઇટલમાં મુખ્ય ભૂમિકા ભજવી. તેમણે ૨૦૨૩ માં પણ ૫૯૦ રન બનાવીને પોતાની કુશળતા સાબિત કરી.
