પશ્ચિમ બંગાળ વિધાનસભા ચૂંટણી માટે આજે બીજા અને અંતિમ તબક્કાનું મતદાન યોજાઈ રહ્યું છે. 142 બેઠકો પર થનારા આ મતદાનમાં મમતા બેનરજીનો કિલ્લો જળવાશે કે ભાજપ સત્તા કબજે કરશે, તેના પર આખા દેશની નજર છે. કેન્દ્ર સરકારના અનેક પ્રયત્નો છતાં મમતા બેનરજીનો તૃણમૂલ કોંગ્રેસ પક્ષ બંગાળમાં સત્તા જાળવશે કે અંતે ભાજપ માટે સત્તાનો માર્ગ મોકળો થશે તેનો નિર્ણય આ મતદાનથી થશે.
કઈ બેઠકો પર જંગ છે?
આજના તબક્કામાં કોલકાતા, હાવરા, નોર્થ અને સાઉથ 24 પરગણા, હૂગલી અને નાદિઆ જેવા જિલ્લાઓનો સમાવેશ થાય છે. આ વિસ્તારો તૃણમૂલ કોંગ્રેસના ‘હોમ ટર્ફ’ માનવામાં આવે છે. 2021ની ચૂંટણીમાં આ 142 બેઠકોમાંથી 123 બેઠકો પર TMCનો વિજય થયો હતો.
સુરક્ષા માટે NIA મેદાનમાં
ચૂંટણીમાં હિંસા રોકવા માટે કેન્દ્ર સરકારે 2 લાખથી વધુ સુરક્ષાકર્મીઓ તૈનાત કર્યા છે. આ વખતે ચૂંટણી પંચે ખાસ કડકાઈ દાખવી છે. દેશી બોમ્બ અને વિસ્ફોટકોની ઘટનાઓ રોકવા માટે નેશનલ ઈન્વેસ્ટિગેશન એજન્સી (NIA) ની ટીમોને પણ મેદાનમાં ઉતારવામાં આવી છે.
પેટ્રોલ-ડીઝલના ભાવ અંગે સ્પષ્ટતા
ચૂંટણી પૂરી થયા પછી પેટ્રોલ અને ડીઝલના ભાવ વધશે તેવી અટકળો ચાલી રહી હતી. જોકે, કેન્દ્ર સરકારે આ વાતને ફગાવી દીધી છે અને ખાતરી આપી છે કે ચૂંટણી બાદ પણ ભાવમાં વધારો કરવામાં આવશે નહીં.
ચૂંટણીના મુખ્ય આકર્ષણો:
-
142 બેઠકો: બીજા અને અંતિમ તબક્કાનું મહત્વનું મતદાન.
-
TMC vs BJP: મમતા બેનરજી ચોથી વખત સત્તામાં આવશે કે ભાજપ બાજી મારશે?
-
ક્રૂડ બોમ્બનો ખતરો: સુરક્ષા એજન્સીઓ સતર્ક, અનેક જગ્યાએથી વિસ્ફોટકો જપ્ત.
<
/p>
