‘ધુરંધર 2’ ના વિવાદ વચ્ચે 46 વર્ષ જૂનો વીડિયો વાઇરલ, જાણો કઇ ફિલ્મ સાથે છે કનેક્શન

બોલિવૂડ સુપરસ્ટાર રણવીર સિંહની ફિલ્મ ‘ધુરંધર 2’ અત્યારે બોક્સ ઓફિસ પર ધૂમ મચાવી રહી છે. આ ફિલ્મે માત્ર 11 દિવસમાં ભારતમાં 1011.95 કરોડ રૂપિયાનો આંકડો પાર કરી લીધો છે. વર્લ્ડવાઇડ કલેક્શનની વાત કરીએ તો તે 1361.95 કરોડ સુધી પહોંચી ગયું છે.

જોકે, આ ભવ્ય સફળતાની સાથે ફિલ્મ વિવાદોમાં પણ ઘેરાઈ છે. સોશિયલ મીડિયા પર કેટલાક લોકો તેને ‘પ્રોપેગેન્ડા ફિલ્મ’ ગણાવી રહ્યા છે.

46 વર્ષ જૂની ફિલ્મ ‘કુર્બાની’ સાથે કનેક્શન

આ વિવાદ વચ્ચે સોશિયલ મીડિયા પર વર્ષ 1980માં આવેલી ફિરોઝ ખાનની બ્લોકબસ્ટર ફિલ્મ ‘કુર્બાની’નો એક વીડિયો વાઇરલ થઈ રહ્યો છે. ફિલ્મના સમર્થકો ‘ધુરંધર 2’ ની સરખામણી આ જૂની ફિલ્મ સાથે કરી રહ્યા છે.

Dear GenZ,

This is the beginning of the 1980 Hindi movie Qurbani

You should see this

I have no further comments. pic.twitter.com/auRxqblYdg

— Abhishek (@AbhishBanerj) March 28, 2026

વાઇરલ વીડિયોની ખાસ વાતો:

• ‘કુર્બાની’ ફિલ્મના પ્રીમિયરની કમાણી ફિરોઝ ખાને સરકારને દાનમાં આપી હતી.

• આ ફિલ્મ દ્વારા તેમણે તત્કાલીન સરકારને ટ્રિબ્યુટ (શ્રદ્ધાંજલિ) આપ્યું હતું.

• ફિલ્મ રિલીઝના ત્રણ દિવસ બાદ સંજય ગાંધીનું પ્લેન ક્રેશમાં નિધન થયું હતું.

• ફિરોઝ ખાને પોતાના અવાજમાં સંજય ગાંધીને વિશેષ શ્રદ્ધાંજલિ આપી હતી.

સરકારના સન્માનનો જૂનો ઇતિહાસ

‘ધુરંધર 2’ ના સમર્થકો દલીલ કરી રહ્યા છે કે ફિલ્મોમાં સરકાર કે નેતાઓ પ્રત્યે સન્માન દર્શાવવું એ કંઈ નવું નથી. ‘કુર્બાની’ માત્ર 2.5 કરોડના બજેટમાં બની હતી અને તે સમયે તેણે 25 કરોડથી વધુની કમાણી કરીને ઈતિહાસ રચ્યો હતો.

આદિત્ય ધરના નિર્દેશનમાં બનેલી ‘ધુરંધર 2’ અત્યારે સિનેમાઘરોમાં કમાણીના તમામ રેકોર્ડ તોડી રહી છે, પરંતુ તેની સાથે જોડાયેલા વિવાદો પણ અટકવાનું નામ નથી લઈ રહ્યા.