ધુરંધર 2’ એ રિલીઝ પહેલા જ પેઇડ પ્રિવ્યૂમાં રેકોર્ડ બનાવી દીધો

રણવીર સિંહની ફિલ્મ ‘ધુરંધર 2: ધ રિવેન્જ’ એ રિલીઝ પહેલા જ ભારતીય સિનેમાના ઇતિહાસમાં પેઇડ પ્રિવ્યૂ દ્વારા ધમાકેદાર રેકોર્ડ બનાવ્યો છે. આદિત્ય ધર દ્વારા નિર્દેશિત આ ફિલ્મે પેઇડ પ્રિવ્યૂ શોના એડવાન્સ બુકિંગમાં અંદાજે ₹27.13 કરોડની ઐતિહાસિક કમાણી કરી છે, જેણે ‘બાહુબલી 2’ (₹22 કરોડ) અને ‘સ્ત્રી 2’ (₹8.5 કરોડ) જેવા મોટા બ્લોકબસ્ટર ફિલ્મોના રેકોર્ડ્સ તોડી નાખ્યા છે. દેશભરમાં આયોજિત લગભગ 9,550 પ્રિવ્યૂ શો માટે 5.38 લાખથી વધુ ટિકિટો વેચાઈ ચૂકી છે, જે દર્શાવે છે કે પ્રેક્ષકોમાં આ સ્પાય-એક્શન થ્રિલર પ્રત્યે જબરદસ્ત ક્રેઝ છે. મુંબઈ જેવા મેટ્રો શહેરોમાં ટિકિટના ભાવ ₹3,100 સુધી પહોંચ્યા હોવા છતાં થિયેટરો હાઉસફુલ જોવા મળી રહ્યા છે. વૈશ્વિક સ્તરે પણ ફિલ્મનો દબદબો જોવા મળી રહ્યો છે, ખાસ કરીને ઉત્તર અમેરિકામાં તે $5 મિલિયન (આશરે ₹41 કરોડ) થી વધુનું પ્રી-સેલ્સ કરનાર પ્રથમ ભારતીય ફિલ્મ બની છે. કુલ વૈશ્વિક એડવાન્સ બુકિંગ ₹56 કરોડને પાર કરી ગયું છે. રણવીર સિંહની સાથે સંજય દત્ત, આર. માધવન અને અક્ષય ખન્ના જેવા દિગ્ગજ કલાકારોથી સજ્જ આ ફિલ્મ 19 માર્ચ, 2026ના રોજ સત્તાવાર રિલીઝ થશે. ટ્રેડ એનાલિસ્ટ્સના મતે, આ ફિલ્મ પહેલા દિવસે ભારતમાં ₹100 કરોડ અને વિશ્વભરમાં ₹200 કરોડની કમાણી કરી શકે છે, જે બોલીવુડ માટે એક નવો સીમાચિહ્ન સાબિત થશે.

ધુરંધર 2 એ પેહલી ફિલ્મ જેમને મૂવી રિલીસ થયાં પહેલા જ કમાઈ લીધું જે ફિલ્મના ડિરેક્ટર આદિત્ય ધર અને એક્ટર રણવીર સિંહની ફિલ્મે ‘ધેય કોલ હિમ ઓજી’ (₹23 કરોડ) અને ‘બાહુબલી 2’ (₹22 કરોડ) ને પાછળ છોડી દીધી. આ કલેક્શન ‘સ્ત્રી 2’ ના ₹8.5 કરોડની સરખામણીમાં લગભગ ત્રણ ગણું છે.
સામાન્ય રીતે મૂવી રિલીસ થયાં પછી જ મૂવી ચાહકોના પ્રતિસાદ જાણવા મળે છે પરતું આ ધુરંધર 2 મૂવીએ તો ચાહકોના દિલને જીતી લીધા.
મુંબઈમાં એક ટિકિટની કિંમત 3100 રૂપિયા સુધી રહી, જ્યારે દિલ્હીમાં 2400 રૂપિયા રહી. આ રીતે ફિલ્મ રિલીઝ પહેલા જ ભારતમાં ₹27.13 કરોડ કમાઈ ચૂકી છે. જો પહેલાથી બ્લોક કરાયેલી ટિકિટોને ઉમેરી દેવામાં આવે તો કમાણી ₹31.9 કરોડ સુધી પહોંચી જશે.
‘ધુરંધર 2’ 200 કરોડની વૈશ્વિક કમાણી કરે તેવી શક્યતા
વિશ્વભરમાં બુક થયેલા પેઇડ પ્રિવ્યૂ શોની કમાણી જોઈએ તો તે ₹60 કરોડ સુધી પહોંચે છે. અમેરિકામાં 690 સ્થળોએ 1765 શો રાખવામાં આવ્યા છે. તેમની 67 હજાર ટિકિટ બુક થઈ ચૂકી છે. સમગ્ર ઉત્તર અમેરિકામાં કમાણી 13.1 લાખ ડોલર (₹12.12 કરોડ) થઈ ચૂકી છે.
ફિલ્મ વિવેચક તરણ આદર્શના મતે, ‘ધુરંધર 2’ હિન્દી ફિલ્મ ઇતિહાસનો નવો બેન્ચમાર્ક સ્થાપિત કરવા જઈ રહી છે. રિલીઝના પહેલા દિવસે 19 માર્ચે ફિલ્મ ₹200 કરોડની વૈશ્વિક કમાણી કરી શકે છે.