ગત 29 માર્ચના રોજ યોજાયેલી ગુજરાત કોમન એન્ટરન્સ ટેસ્ટ (GUJCET)-2026ની પ્રોવિઝનલ આન્સર-કી શિક્ષણ બોર્ડ દ્વારા જાહેર કરવામાં આવી છે. જે ઉમેદવારોએ આ પરીક્ષા આપી હતી, તેઓ બોર્ડની વેબસાઇટ પર જઈને ઉત્તરો ચકાસી શકે છે.
GUJCET-2026 આન્સર-કી ક્યાંથી જોવી?
વિદ્યાર્થીઓ બોર્ડની સત્તાવાર વેબસાઇટ www.gseb.org પરથી આન્સર-કી ડાઉનલોડ કરી શકશે. બોર્ડ દ્વારા ગણિત, ભૌતિક વિજ્ઞાન, રસાયણ વિજ્ઞાન અને જીવ વિજ્ઞાનના પ્રશ્નપત્ર સેટ નંબર 1 થી 20ની આન્સર-કી ગુજરાતી, હિન્દી અને અંગ્રેજી એમ ત્રણેય માધ્યમો માટે જાહેર કરવામાં આવી છે.
વાંધા રજૂ કરવાની પ્રક્રિયા અને સમયમર્યાદા
જો કોઈ વિદ્યાર્થીને જાહેર થયેલા ઉત્તરો સામે વાંધો હોય, તો તેઓ નીચે મુજબ રજૂઆત કરી શકે છે:
-
છેલ્લી તારીખ: 8 એપ્રિલ, 2026 (સાંજે 6:00 વાગ્યા સુધી).
-
કેવી રીતે રજૂઆત કરવી: નિયત નમૂનામાં ફોર્મ ભરીને જરૂરી આધારો સાથે gujcetkey@gmail.com પર ઈ-મેઈલ કરવાનો રહેશે.
-
ફી: દરેક પ્રશ્ન દીઠ ₹500 ફી નક્કી કરવામાં આવી છે.
-
ફી પરત મળશે?: જો ઉમેદવારની રજૂઆત સાચી ઠરશે, તો તે પ્રશ્ન માટે ભરેલી ફી પરત કરવામાં આવશે.
મહત્વની નોંધ
વાંધા રજૂ કરવા માટે ઉમેદવારે SBI બેંકમાં ચલણ દ્વારા ફી ભરવાની રહેશે અને ચલણની નકલ ઈ-મેઈલ સાથે જોડવી અનિવાર્ય છે. ફી ભર્યા વગરની કે સમયમર્યાદા બાદ મળેલી કોઈ પણ રજૂઆતને બોર્ડ દ્વારા ધ્યાને લેવામાં આવશે નહીં.
