અમેરિકાના ઉપરાષ્ટ્રપતિ જેડી વેન્સ (JD Vance) અને તેમની પત્ની ઉષા વેન્સના ઘરે ખુશીનો માહોલ છે. દંપતીએ તેમના ચોથા બાળકના જન્મના સમાચાર સોશિયલ મીડિયા પર શેર કર્યા છે. આ સમાચાર સામે આવ્યા બાદ વિશ્વભરમાંથી તેમને અભિનંદન મળી રહ્યા છે. અમેરિકી રાષ્ટ્રપતિ ડોનાલ્ડ ટ્રમ્પે પણ ટ્રુથ સોશિયલ પર પોસ્ટ કરીને વેન્સ પરિવારને ખાસ શુભકામનાઓ પાઠવી છે.
જેડી વેન્સના બાળકોના નામ અને ઉંમર
જેડી વેન્સ અને ઉષાના લગ્ન વર્ષ 2014માં થયા હતા. હવે આ દંપતી કુલ 4 બાળકોના માતા-પિતા છે:
-
ઈવાન (Evan): મોટો પુત્ર, ઉંમર 9 વર્ષ.
-
વિવેક (Vivek): નાનો પુત્ર, ઉંમર 6 વર્ષ.
-
મિરાબેલ (Mirabel): પુત્રી, ઉંમર 4 વર્ષ.
-
એલેક નીલ વેન્સ (Alec Neil Vance): નવજાત પુત્ર.
જેડી વેન્સ અને ઉષાએ તેમના ચોથા પુત્રનું નામ એલેક નીલ વેન્સ રાખ્યું છે. માતા અને બાળક બંને સંપૂર્ણપણે સ્વસ્થ છે.
ભારત પ્રવાસ દરમિયાન ચર્ચામાં રહ્યો હતો પરિવાર
જેડી વેન્સ પોતાના પરિવારને પબ્લિસિટીથી દૂર રાખે છે. પરંતુ વર્ષ 2025માં જ્યારે તેઓ ભારત પ્રવાસે આવ્યા હતા, ત્યારે તેમની પત્ની ઉષા અને ત્રણેય બાળકો પણ સાથે હતા.
તેમણે આગ્રાના તાજમહેલ અને જયપુરના આમેર કિલ્લાની મુલાકાત લીધી હતી. વડાપ્રધાન નરેન્દ્ર મોદી સાથેની મુલાકાતમાં પણ તેમનો પરિવાર સાથે રહ્યો હતો.
કોણ છે જેડી વેન્સના પત્ની ઉષા વેન્સ?
જેડી વેન્સના પત્ની ઉષા વેન્સ ભારતીય મૂળના છે અને તેમનો પરિવાર આંધ્રપ્રદેશ સાથે સંબંધ ધરાવે છે.
તેઓ વ્યવસાયે એક સફળ વકીલ છે. જેડી વેન્સ અને ઉષાની મુલાકાત યેલ લો સ્કૂલ (Yale Law School) માં અભ્યાસ દરમિયાન થઈ હતી.
