રશિયન રાષ્ટ્રપતિ વ્લાદિમીર પુતિને મોજતબા ખામનેઇને ઈરાનના નવા નેતા તરીકે ચૂંટાયા બદલ અભિનંદન આપ્યા અને વિશ્વાસ વ્યક્ત કર્યો કે તેઓ તેમના પિતાનું કાર્ય સન્માનપૂર્વક ચાલુ રાખશે. મોજતબા ખામનેઇ ઈરાનના ભૂતપૂર્વ સુપ્રીમ લીડર અલી ખામનેઇના પુત્ર છે. 28 ફેબ્રુઆરીના રોજ અમેરિકા અને ઇઝરાયલી હુમલામાં અલી ખામનેઇનું મૃત્યુ થયું હતું. ત્યારથી, મોજતબા ખામનેઇનું નામ ઈરાનના સુપ્રીમ લીડર માટે અગ્રણી દાવેદાર રહ્યું છે.
ઈરાનના સુપ્રીમ લીડર તરીકે ચૂંટાયા બાદ મોજતબાને અભિનંદન આપનારા વિશ્વના પ્રથમ નેતાઓમાં પુતિનનો સમાવેશ થાય છે. ક્રેમલિન દ્વારા જારી કરાયેલા એક નિવેદનમાં, પુતિને કહ્યું, “મને સંપૂર્ણ વિશ્વાસ છે કે તમે તમારા પિતાના કાર્યને સન્માન સાથે ચાલુ રાખશો અને મુશ્કેલ પરિસ્થિતિઓમાં ઈરાની લોકોને એક કરશો.”
રશિયન રાષ્ટ્રપતિએ વધુમાં કહ્યું, “મારા તરફથી, હું તેહરાન માટે અમારા અટલ સમર્થન અને અમારા ઈરાની મિત્રો સાથે અમારી એકતાને ફરીથી પુષ્ટિ આપવા માંગુ છું.”
યુએસ દબાણ છતાં, મોજતબા ખામનેઇને રશિયન રાષ્ટ્રપતિ દ્વારા અભિનંદન, રશિયન સ્થિતિ સ્પષ્ટ કરે છે.
ટ્રમ્પે કહ્યું છે કે નવા નેતા લાંબા સમય સુધી ટકશે નહીં
યુએસ પ્રમુખ ટ્રમ્પે કહ્યું છે કે તેઓ ઈરાનના નવા નેતાની પસંદગી કરશે. તેમણે મોજતબા ખામનેઇને ધમકી આપી છે કે તેઓ પણ યુએસ હુમલામાં માર્યા જશે.
યુએસ પ્રમુખ ડોનાલ્ડ ટ્રમ્પે રવિવારે કહ્યું હતું કે ઈરાનના આગામી નેતા વોશિંગ્ટનની મંજૂરી વિના “લાંબા સમય સુધી ટકશે નહીં”. ટ્રમ્પે એબીસી ન્યૂઝને જણાવ્યું હતું કે “તેઓએ અમારી મંજૂરી લેવી પડશે.” ટ્રમ્પે કહ્યું, “જો તેમને અમારી મંજૂરી નહીં મળે, તો તેઓ લાંબા સમય સુધી ટકશે નહીં.
પુતિને યુએસ દબાણને અવગણ્યું
અમેરિકાના તીવ્ર દબાણ છતાં, પુતિને ઈરાનના નવા નેતાને અભિનંદન આપ્યા અને રશિયાના અતૂટ સમર્થનનું વચન આપ્યું. પુતિને કહ્યું, “ઈસ્લામિક રિપબ્લિક ઓફ ઈરાનના સર્વોચ્ચ નેતા મહામહિમ આયતુલ્લાહ સૈયદ મોજતબા હુસેની ખામનેઇ… કૃપા કરીને ઈસ્લામિક રિપબ્લિક ઓફ ઈરાનના સર્વોચ્ચ નેતા તરીકે તમારી પસંદગી બદલ મારા અભિનંદન સ્વીકારો.”
પુતિને કહ્યું કે રશિયા તેહરાન સાથે ઊભું રહેશે. તેમણે કહ્યું કે તેઓ “તેહરાન માટે અમારા અતૂટ સમર્થન અને અમારા ઈરાની મિત્રો સાથે એકતાની પુષ્ટિ કરવા માંગે છે.”
આંતરરાષ્ટ્રીય કાયદો હવે ખતમ , પુતિને અમેરિકા-ચીન સહિત 5 દેશોની ઈમરજન્સી બેઠક બોલાવી
