આગામી વનડે વર્લ્ડ કપ (ODI World Cup 2027) માટે અત્યારથી જ ગરમાવો શરૂ થઈ ગયો છે. ICC એ ક્વોલિફિકેશન માટેનો ફોર્મેટ અને નિયમો જાહેર કરી દીધા છે. અત્યાર સુધીમાં કુલ 8 ટીમોએ વર્લ્ડ કપમાં પોતાની જગ્યા પક્કી કરી લીધી છે. પરંતુ બે વારની વિશ્વ ચેમ્પિયન ટીમ વેસ્ટ ઈન્ડિઝ પર બહાર થવાનું મોટું જોખમ તોળાઈ રહ્યું છે.
દક્ષિણ આફ્રિકા, ઝિમ્બાબ્વે અને નામિબિયા કરશે યજમાની
વર્લ્ડ કપ 2027 ની સંયુક્ત યજમાની દક્ષિણ આફ્રિકા, ઝિમ્બાબ્વે અને નામિબિયા મળીને કરવાના છે.
-
યજમાન તરીકે એન્ટ્રી: દક્ષિણ આફ્રિકા અને ઝિમ્બાબ્વેને હોસ્ટ કન્ટ્રી તરીકે સીધી એન્ટ્રી મળી છે.
-
નામિબિયા માટે નિયમ: નામિબિયા ICC નું ફૂલ મેમ્બર ન હોવાથી તેણે ક્વોલિફાયર રાઉન્ડ રમવો પડશે.
-
અન્ય 6 ટીમો: ભારત, ઓસ્ટ્રેલિયા, ન્યુઝીલેન્ડ, પાકિસ્તાન, શ્રીલંકા અને ઈંગ્લેન્ડે રેન્કિંગના આધારે સ્થાન પાક્કું કર્યું છે.
30 સપ્ટેમ્બર 2026 કટ-ઓફ ડેટ જાહેર
ICC એ સીધા ક્વોલિફિકેશન માટે રેન્કિંગની કટ-ઓફ ડેટ જાહેર કરી દીધી છે.
30 સપ્ટેમ્બર 2026 ના રોજ જે ટીમો ICC ODI રેન્કિંગમાં ટોપ-8 માં રહેશે, તેઓ સીધી વર્લ્ડ કપમાં સ્થાન મેળવશે. હાલના તબક્કે અફઘાનિસ્તાન અને બાંગ્લાદેશ આ રેસમાં આગળ દેખાઈ રહ્યા છે.
વેસ્ટ ઈન્ડિઝ પર સંકટના વાદળો
એક સમયે ક્રિકેટની દુનિયા પર રાજ કરનાર વેસ્ટ ઈન્ડિઝની ટીમ હાલ ખૂબ જ ખરાબ તબક્કામાંથી પસાર થઈ રહી છે.
-
ઐતિહાસિક સફળતા: વેસ્ટ ઈન્ડિઝે 1975 અને 1979 માં વર્લ્ડ કપ જીત્યો હતો.
-
હાલની સ્થિતિ: ટીમ હાલમાં ICC ODI રેન્કિંગમાં 10મા ક્રમે છે.
જો ટીમ તેની રેન્કિંગમાં સુધારો નહીં કરે, તો તેણે ક્વોલિફાયર મેચો રમવી પડશે અને વર્લ્ડ કપમાંથી બહાર થવાનો પણ ભય રહેશે.
આગામી વનડે મેચો તમામ ટીમો માટે મહત્વપૂર્ણ
હવે પછી રમાનારી તમામ વનડે શ્રેણીઓ નિચલા ક્રમની ટીમો માટે ખૂબ જ નિર્ણાયક બનશે. રેન્કિંગમાં સુધારો કરવા માટે તમામ દેશોએ પોતાની શ્રેષ્ઠ રમત બતાવવી પડશે.
