અમદાવાદ શહેરમાં છેલ્લા બે દિવસથી દીપડાની હાજરીને કારણે ભારે ફફડાટ વ્યાપી ગયો છે. પહેલા શેલા-ઘુમા વિસ્તારમાં દીપડો દેખાયો હતો. હવે ત્યાંથી આશરે 26 કિલોમીટર દૂર ઝુંડાલ-ચાંદખેડા વિસ્તારમાં પણ દીપડો જોવા મળ્યો હોવાનો દાવો થઈ રહ્યો છે.
સોશિયલ મીડિયા પર ચાંદખેડા માધવ હોમ્સ સામે દીપડો દેખાયો હોવાની તસવીરો ઝડપથી વાયરલ થઈ રહી છે.
ઘુમાની સોસાયટીમાં રાત્રે દીપડો ઘૂસ્યો
19મી જુલાઈની મોડી રાત્રે અમદાવાદના પોશ ગણાતા ઘુમા વિસ્તારમાં દીપડો દેખાયો હતો.
-
ઘટના: શરણદીપ સોસાયટીના એક બંગલાની દીવાલ કૂદીને દીપડો અંદર ઘૂસી ગયો હતો.
-
દ્રશ્યો: સોસાયટીના કૂતરાઓ દીપડાની પાછળ દોડતા કેમેરામાં કેદ થયા હતા.
-
દહેશત: આ ઘટના બાદ બોપલ, શેલા અને ઘુમા વિસ્તારના લોકોમાં ભારે ડરનો માહોલ છે.
26 કિમી દૂર ઝુંડાલમાં દીપડો દેખાતા તંત્ર દોડતું થયું
ઘુમા બાદ હવે 26 કિલોમીટર દૂર ચાંદખેડા-ઝુંડાલ વિસ્તારમાં દીપડાના એંધાણ મળતા વનવિભાગની દોડધામ વધી ગઈ છે.
હવે સ્થાનિકોમાં અનેક અટકળો ચાલી રહી છે:
-
શું આ એ જ દીપડો છે જે ઘુમાથી ચાંદખેડા પહોંચ્યો?
-
કે પછી શહેરમાં અન્ય કોઈ બીજો દીપડો પણ ઘૂસી આવ્યો છે?
વનવિભાગ સ્પષ્ટતા કરે તેવી માગ
અમદાવાદ જેવા ગીચ વસ્તી ધરાવતા શહેરમાં દીપડો મુક્તપણે ફરી રહ્યો હોવાથી લોકોમાં ચિંતા વધાતી જાય છે.
શહેરમાં આખરે કેટલા દીપડા છે તે અંગે વનવિભાગ વહેલી તકે સ્થિતિ સ્પષ્ટ કરે તેવી સ્થાનિક રહીશો માગણી કરી રહ્યા છે.
