અભિનેતા સુશાંત સિંહ રાજપૂત આજે ભલે આપણી વચ્ચે નથી, પરંતુ તેના ચાહકો તેને હંમેશા યાદ કરે છે. આ દરમિયાન સોશિયલ મીડિયા પર સુશાંત સિંહ રાજપૂત જેવા જ દેખાતા એક યુવકનો વીડિયો ઝડપથી વાયરલ થઈ રહ્યો છે. આ યુવકનો ચહેરો અને સ્માઈલ હૂબહૂ સુશાંત સિંહ રાજપૂત જેવા જ દેખાય છે. 21 જાન્યુઆરી, 1986 ના રોજ જન્મેલા સુશાંત સિંહ રાજપૂત પવિત્ર રિશ્તામાં માનવની ભૂમિકા માટે જાણીતા છે. નાના પડદા પર લોકપ્રિયતા મેળવ્યા પછી, તેઓ બોલિવૂડમાં આવ્યા. તેમણે કાઈ પો છે, એમએસ ધોની: ધ અનટોલ્ડ સ્ટોરી અને છિછોરે જેવી ફિલ્મોમાં કામ કરીને ચાહકોના દિલ જીતી લીધા. જોકે, 14 જૂન, 2020 ના રોજ તેમના અચાનક મૃત્યુથી ચાહકો ચોંકી ગયા. આજે પણ લોકો તેમને યાદ કરે છે. દરમિયાન, સુશાંત સિંહ રાજપૂતના હમશકલ, જે બિલકુલ તેમના જેવો દેખાય છે, તેનો એક વીડિયો સોશિયલ મીડિયા પર વાયરલ થઈ રહ્યો છે, અને ચાહકો પ્રતિક્રિયા આપી રહ્યા છે.
સુશાંતની ‘ઝેરોક્ષ કોપી’ છે આ યુવક
ઇન્સ્ટાગ્રામ પર વાયરલ થઈ રહેલા આ વીડિયોમાં દેખાતા યુવકનું નામ અયાન છે. અયાનની હેરસ્ટાઇલ, આંખો અને હસવાની સ્ટાઇલ બિલકુલ સુશાંત સિંહ રાજપૂત જેવી જ છે. અયાન સોશિયલ મીડિયા પર અવારનવાર પોતાના ફોટો અને વીડિયો શેર કરતો રહે છે. ઇન્સ્ટાગ્રામ પર તેના ૨.૯૫ લાખ (295k) થી વધુ ફોલોઅર્સ છે, જે તેની પોસ્ટને ખૂબ પસંદ કરે છે.
ફેન્સે આપી આવી પ્રતિક્રિયાઓ
અયાનનો વીડિયો જોયા બાદ સુશાંતના ફેન્સ ભાવુક થઈ ગયા છે અને સતત કમેન્ટ્સ કરી રહ્યા છે:
-
એક યુઝરે લખ્યું, “આ યુવકને સુશાંતસિંહ રાજપૂતના પરિવાર સાથે જરૂર મેળવવો જોઈએ.”
-
બીજા યુઝરે કમેન્ટ કરી, “વેલકમ બેક સુશાંત સર.”
-
જ્યારે અન્ય ઘણા યુઝર્સ તેને સુશાંતસિંહ રાજપૂતની કાર્બન કોપી અને કુદરતનો કરિશ્મા ગણાવી રહ્યા છે.
ટીવીથી કરી હતી કરિયરની શરૂઆત
૨૧ જાન્યુઆરી ૧૯૮૬ના રોજ જન્મેલા સુશાંતસિંહ રાજપૂતે ટીવી સિરિયલ ‘પવિત્ર રિશ્તા’માં માનવના કિરોદારથી મોટી લોકપ્રિયતા મેળવી હતી. ત્યારબાદ તેણે બોલિવૂડમાં એન્ટ્રી કરી અને ‘કાઈ પો ચે’, ‘એમએસ ધોની: ધ અનટોલ્ડ સ્ટોરી’ અને ‘છીછોરે’ જેવી સુપરહિટ ફિલ્મો આપી હતી. ૧૪ જૂન ૨૦૨૦ના રોજ તેના અચાનક અવસાનથી આખી દુનિયાને મોટો આઘાત લાગ્યો હતો.
