વોશિંગ્ટન: પાકિસ્તાન અત્યારે અમેરિકા અને ઈરાન વચ્ચે મધ્યસ્થી હોવાનો દાવો કરી રહ્યું છે, પરંતુ તેના એક તાજેતરના નિર્ણયથી ઈસ્લામાબાદ પર અમેરિકા સાથે વિશ્વાસઘાત કરવાના આરોપો લાગી રહ્યા છે. અમેરિકા દ્વારા ઈરાન પર લાદવામાં આવેલી આર્થિક નાકેબંધી વચ્ચે પાકિસ્તાને ઈરાનને રશિયા, ચીન અને અન્ય દેશો સાથે વેપાર કરવા માટે જમીન માર્ગે 6 નવા રસ્તાઓ ઉપલબ્ધ કરાવ્યા છે.
ટ્રમ્પની રણનીતિને નુકસાન
અમેરિકાના રાષ્ટ્રીય સુરક્ષા નિષ્ણાત ડેરેક જે. ગ્રોસમેને ચેતવણી આપી છે કે પાકિસ્તાનનો આ નિર્ણય રાષ્ટ્રપતિ ટ્રમ્પની ‘મહત્તમ આર્થિક દબાણ’ની રણનીતિને નબળી પાડી શકે છે.
-
આ માર્ગો દ્વારા ઈરાન તેના તેલ વેપાર પરની અમેરિકી નાકેબંધીને બાયપાસ કરી શકશે.
-
ગ્રોસમેને સોશિયલ મીડિયા પર લખ્યું કે પાકિસ્તાન ફરી એકવાર અમેરિકા સાથે ‘ડબલ ગેમ’ રમી છે.
-
આનાથી ઈરાનને હોર્મુઝની સામુદ્રધુનીમાં અમેરિકી દબાણનો પ્રતિકાર કરવામાં મદદ મળશે.
Trump admin, you have a problem. Your good friend Pakistan appears to have just opened six overland links to Iran, helping the regime bypass your counter-blockade in the Strait of Hormuz. This will help Iran continue to resist US pressure. Islamabad double deals America…AGAIN! pic.twitter.com/gbNZeuQy0G
— Derek J. Grossman (@DerekJGrossman) April 29, 2026
પાકિસ્તાન ની વિશ્વસનીયતા પર સવાલો
પાકિસ્તાન ની મધ્યસ્થી કરવાની ક્ષમતા પર માત્ર અમેરિકા જ નહીં, પરંતુ અન્ય દેશોએ પણ શંકા વ્યક્ત કરી છે:
-
ઈઝરાયેલ: ભારતમાં ઈઝરાયેલના રાજદૂત રૂવેન અઝારે પાકિસ્તાનને બિન-વિશ્વાસપાત્ર ખેલાડી ગણાવ્યો છે.
-
ઈરાન: ખુદ ઈરાને પણ પાકિસ્તાનની તટસ્થતા પર સવાલ ઉઠાવ્યા છે. ઈરાની કમિશનના પ્રવક્તા ઈબ્રાહિમ રઝાઈએ જણાવ્યું કે પાકિસ્તાન યોગ્ય મધ્યસ્થી નથી કારણ કે તેનો ઝુકાવ અમેરિકા તરફ વધુ છે.
શું છે ટ્રમ્પનો પ્લાન?
ડોનાલ્ડ ટ્રમ્પ ઈરાન પર એટલું આર્થિક દબાણ લાવવા માંગે છે કે તે અમેરિકાની શરતો પર યુદ્ધ સમાપ્ત કરવા મજબૂર થઈ જાય. જોકે, પાકિસ્તાને આપેલા આ 6 જમીની રસ્તાઓએ ટ્રમ્પની આ રણનીતિમાં ગાબડું પાડ્યું છે.
