માઇગ્રેન અને માથાનો દુખાવો: જાણો બંને વચ્ચેનો મુખ્ય તફાવત અને લક્ષણો

માથાનો દુખાવો એક ખૂબ જ સામાન્ય સમસ્યા છે. પરંતુ દરેક પ્રકારનો દુખાવો એકસરખો હોતો નથી. ઘણા લોકો માઇગ્રેનને સામાન્ય માથાનો દુખાવો સમજી લે છે. ડોક્ટરોના જણાવ્યા મુજબ, માઇગ્રેન અને માથાનો દુખાવો બંને સંપૂર્ણપણે અલગ સમસ્યાઓ છે. બંનેના કારણો, લક્ષણો અને સારવાર અલગ હોય છે.

સામાન્ય માથાનો દુખાવો શું છે?

મોટાભાગના લોકોને થતો સામાન્ય દુખાવો એ ટેન્શન હેડેક (Tension Headache) હોય છે.

• આ દુખાવો માથાના બંને ભાગમાં, કપાાળ પર કે ડોકના પાછળના ભાગમાં થાય છે.

• આ દુખાવો હળવો કે મધ્યમ હોઈ શકે છે.

• માનસિક તણાવ, થાક કે અનિંદ્રા આ દુખાવાના મુખ્ય કારણો છે.

• સ્ક્રીન ટાઈમ વધવો કે ખોટી રીતે બેસવાથી પણ આ સમસ્યા થાય છે.

• સામાન્ય આરામ કરવાથી કે દવા લેવાથી આ દુખાવો મટી જાય છે.

માઇગ્રેન સામાન્ય દુખાવાથી કેવી રીતે અલગ છે?

માઇગ્રેન એ માત્ર માથાનો દુખાવો નથી. તે એક ગંભીર ન્યુરોલોજીકલ (ચેતાતંત્ર સંબંધિત) બીમારી છે.

માઇગ્રેનના મુખ્ય લક્ષણો:

• માથાના કોઈ એક જ ભાગમાં તીવ્ર અને ધબકારા મારતો દુખાવો થાય છે.

• ઉલટી કે ઉબકા જેવી સમસ્યા અનુભવાય છે.

• અવાજ અને પ્રકાશ પ્રત્યે અતિશય સંવેદનશીલતા વધે છે.

• વધારે ચાલવાથી કે શારીરિક શ્રમથી દુખાવો વધી શકે છે.

અધૂરી ઊંઘ અને લાંબા સમય સુધી સ્ક્રીન જોવાથી માઇગ્રેનનો એટેક આવી શકે છે.

ક્યારે ડોક્ટરની સલાહ લેવી જરૂરી છે?

જો તમને વારંવાર માથાનો દુખાવો થતો હોય તો તેને હળવાશથી ન લેવો જોઈએ.

• જો દુખાવો ખૂબ તીવ્ર હોય અને વારંવાર થતો હોય.

• સામાન્ય ગોળીઓ કે આરામ કરવાથી પણ રાહત ન મળતી હોય.

• દુખાવાની તીવ્રતા સમય સાથે સતત વધતી જતી હોય.

આવા લક્ષણો જણાય તો તુરંત જ ડોક્ટરનો સંપર્ક કરીને યોગ્ય સારવાર કરાવવી જોઈએ. યોગ્ય સારવાર ન કરાવવાથી આ સમસ્યા આખી જિંદગી રહી શકે છે.