ગુજરાત ટાઈટન્સના મુખ્ય બોલર કગિસો રબાડા હાલ વિવાદોના ઘેરામાં છે. સોશિયલ મીડિયા પર વાયરલ થઈ રહેલી એક ક્લિપમાં રબાડા જેવો દેખાતો વ્યક્તિ હોટલના રૂમમાં સિગરેટ પીતો નજરે પડે છે. જોકે, આ વીડિયો કેટલો સાચો છે તેની સત્તાવાર પુષ્ટિ હજુ સુધી થઈ નથી.
વીડિયોની સત્યતા પર સવાલ
વાયરલ વીડિયોમાં દેખાતો શખ્સ કગિસો રબાડા જેવો જ દેખાઈ રહ્યો છે. એમ પણ કહેવામાં આવી રહ્યું છે કે આ વીડિયો ટીમની હોટલનો છે. વીડિયોમાં કગિસો રબાડા ની સાથે અન્ય કેટલાક લોકો પણ જોવા મળી રહ્યા છે. જોકે, આ વીડિયો ક્યારનો છે અને ક્યાંનો છે, તે અંગે હજુ સુધી કોઈ સ્પષ્ટ માહિતી સામે આવી નથી.
KAGISO RABADA WAS SMOKING 🚬 🤯
– Kagiso Rabada was smoking & got got caught in camera. After seeing this Rashid Khan and GT's players not happy with Rabada's behaviour. Rashid Khan & staffs came and asked him, "What is this?" pic.twitter.com/zSYuzwygAb
— Cricket Central (@CricketCentrl) April 22, 2026
પર્પલ કેપની રેસમાં છે રબાડા
ચાલુ સીઝનમાં રબાડા ગુજરાત ટાઈટન્સ માટે શાનદાર પ્રદર્શન કરી રહ્યો છે.
-
વિકેટ: 6 મેચમાં 10 વિકેટ ઝડપી છે.
-
ક્રમ: તે હાલ પર્પલ કેપની રેસમાં 7મા સ્થાને છે.
-
સરેરાશ: રબાડાની બોલિંગ એવરેજ 22.20 અને ઈકોનોમી રેટ 9.73 રહ્યો છે.
જૂનો વિવાદ ફરી ચર્ચામાં
આ વીડિયો વાયરલ થયા બાદ કગિસો રબાડા નો જૂનો વિવાદ પણ ચર્ચામાં આવ્યો છે. ગત સીઝનમાં ડોપિંગ ટેસ્ટના વિવાદને કારણે તેના પર એક મહિનાનો પ્રતિબંધ લાદવામાં આવ્યો હતો. તે સમયે તે ટૂર્નામેન્ટ અધવચ્ચે છોડીને જતો રહ્યો હતો.
ગુજરાત ટાઈટન્સની સ્થિતિ
હાલ ગુજરાત ટાઈટન્સ પોઈન્ટ ટેબલમાં છઠ્ઠા સ્થાને છે. ટીમની આગામી મેચ 24 એપ્રિલે રોયલ ચેલેન્જર્સ બેંગલુરુ (RCB) સામે ચિન્નાસ્વામી સ્ટેડિયમમાં રમાશે. પ્લેઓફમાં પહોંચવા માટે ગુજરાત માટે આ મેચ ખૂબ જ મહત્વની છે.
કગિસો રબાડા
