ઈંગ્લેન્ડ ક્રિકેટ ટીમનો ઉભરતો સ્ટાર ઓલરાઉન્ડર જેકબ બેથલ (Jacob Bethell) અત્યારે ક્રિકેટના મેદાન કરતાં પોતાની પર્સનલ લાઈફને લઈને વધુ ચર્ચામાં છે. મીડિયા અહેવાલો મુજબ, જેકબ એક ભારતીય યુવતીને ડેટ કરી રહ્યો છે. સોશિયલ મીડિયા પર જેકબનો એક યુવતી સાથેનો રોમેન્ટિક ફોટો વાયરલ થયો છે. આ ફોટો સામે આવ્યા બાદ તેમની લવ લાઈફ હેડલાઈન્સમાં આવી ગઈ છે. જોકે, આ રિલેશનશિપના સમાચારો પર સસ્પેન્સ હજુ પણ યથાવત છે.
મુંબઈની કઈ સેલિબ્રિટી મેકઅપ આર્ટિસ્ટ છે ચર્ચામાં?
વાયરલ થઈ રહેલા ફોટોમાં જેકબ બેથલ એક યુવતી સાથે ખૂબ જ રોમેન્ટિક અંદાજમાં પોઝ આપતો જોવા મળી રહ્યો છે. જો કે, આ તસવીરમાં યુવતીનો ચહેરો સ્પષ્ટ રીતે દેખાતો નથી. આ કારણે ફેન્સ વચ્ચે ભારે ઉત્તેજના જાગી છે.
સોશિયલ મીડિયા યુઝર્સ દાવો કરી રહ્યા છે કે તસવીરમાં દેખાતી યુવતી અંકિતા પટેલ (Ankita Patel) છે. અંકિતા મુંબઈની એક જાણીતી સેલિબ્રિટી મેકઅપ આર્ટિસ્ટ છે. તે શિલ્પા શેટ્ટી, પલક તિવારી અને હિના ખાન જેવી મોટી સેલિબ્રિટીઝ સાથે કામ કરી ચૂકી છે.
IPL દરમિયાન નિકટતા વધી હોવાનો દાવો
તમને જણાવી દઈએ કે, 22 વર્ષીય જેકબ બેથલે IPLમાં RCB ટીમ તરફથી રમતી વખતે પોતાની ઓળખ બનાવી છે. યુઝર્સ એવો પણ દાવો કરી રહ્યા છે કે IPL દરમિયાન બંને એકબીજાની ખૂબ નજીક આવ્યા હતા. જોકે, આ અફવાઓ પર જેકબ કે અંકિતા પટેલે હજુ સુધી કોઈ પણ સત્તાવાર પ્રતિક્રિયા આપી નથી.
ભારતીય અભિનેત્રી આધ્યા આનંદ સાથે પણ જોડાયું નામ
અંકિતા પટેલ સિવાય જેકબ બેથલનું નામ બીજી એક ભારતીય હસ્તી સાથે પણ જોડાઈ રહ્યું છે. સોશિયલ મીડિયા પર યુઝર્સનો દાવો છે કે જેકબ ભારતીય અભિનેત્રી આધ્યા આનંદ (Aadhya Anand) ને ડેટ કરી રહ્યો છે.
એવું પણ કહેવામાં આવી રહ્યું છે કે જેકબ સોશિયલ મીડિયા પર આધ્યાની તમામ પોસ્ટ લાઈક કરે છે. હવે આ વાયરલ સમાચારોમાં કેટલું સત્ય છે, તે તો માત્ર જેકબ પોતે જ જણાવી શકે છે.
