મિડલ ઈસ્ટમાં ચાલી રહેલા યુદ્ધના કારણે સ્ટ્રેટ ઓફ હોર્મુઝ (Strait of Hormuz) પર તેલ અને ગેસનો સપ્લાય ખોરવાયો છે. જેના કારણે ક્રૂડ ઓઇલ ના ભાવ આસમાને પહોંચ્યા છે. આ કટોકટી વચ્ચે ભારતે ઓઇલની આયાત માટે નવા રસ્તાઓ શોધી કાઢ્યા છે.
વેસ્ટ આફ્રિકાથી આવશે તેલ
તાજેતરના અહેવાલો મુજબ, ભારત હવે મિડલ ઈસ્ટના મોંઘા ઓઇલ પર નિર્ભર રહેવાને બદલે વેસ્ટ આફ્રિકા અને એશિયા-પેસિફિક ક્ષેત્ર તરફ વળ્યું છે. ભારતની સરકારી કંપની HPCL એ અંગોલા પાસેથી 20 લાખ બેરલ ક્રૂડ ખરીદવા માટે ટેન્ડર જાહેર કર્યું છે.
મોંઘા તેલનો વિકલ્પ
-
મિડલ ઈસ્ટનું તેલ હાલમાં વિશ્વમાં સૌથી મોંઘું બન્યું છે.
-
બ્રેન્ટ ક્રૂડના ભાવ 2008ના રેકોર્ડ સ્તર ($147.50) ને વટાવી ગયા છે.
-
ભારત તેની તેલની જરૂરિયાતના 45% મિડલ ઈસ્ટ પર નિર્ભર હતું, જે હવે ઘટાડવાનો પ્રયાસ થઈ રહ્યો છે.
બાડમેર રિફાઇનરી માટે ખરીદી
HPCL એ એક્સન (Exxon) પાસેથી પણ તેલ ખરીદ્યું છે, જેની ડિલિવરી મે મહિનાની શરૂઆતમાં થશે. આ તેલનો ઉપયોગ રાજસ્થાનની બાડમેર રિફાઇનરી માટે કરવામાં આવશે, જેની ક્ષમતા દરરોજ 1,80,000 બેરલની છે.
આ સાથે જ ભારતની સૌથી મોટી કંપની ઈન્ડિયન ઓઈલ (IOC) પણ હવે પશ્ચિમ આફ્રિકા પાસેથી તેલ ખરીદવાની તૈયારી કરી રહી છે. આ પગલાથી ભારતમાં ઇંધણની સુરક્ષા જળવાઈ રહેશે.
