‘હું એવા લગ્ન નથી ઈચ્છતો…’: ઐશ્વર્યા સાથેના સંબંધો અને ટ્રોલ્સ પર અભિષેક બચ્ચને તોડ્યું મૌન

બોલિવૂડ એક્ટર અભિષેક બચ્ચને તાજેતરમાં એક ઈન્ટરવ્યુમાં પત્ની ઐશ્વર્યા રાય સાથેના સંબંધો, લગ્ન જીવન અને દીકરી આરાધ્યાના ઉછેર વિશે ખુલીને વાત કરી છે.

અભિષેક બચ્ચન અને ઐશ્વર્યા રાયના લગ્ન હંમેશા ચર્ચાનો વિષય રહ્યા છે. સોશિયલ મીડિયા પર અવારનવાર તેમના સંબંધોને લઈને અટકળો થતી હોય છે. હવે અભિષેકે આ તમામ બાબતો પર પોતાનો દ્રષ્ટિકોણ શેર કર્યો છે.

સંબંધોનો પાયો ‘પાર્ટનરશિપ’ છે

અભિષેકે જણાવ્યું કે તેમના અને ઐશ્વર્યાના સંબંધો કોઈ સ્પર્ધા કે પરંપરાગત નિયમો પર નથી ટક્યા. તેમણે કહ્યું:

• મિત્રતાથી શરૂઆત: અમે પહેલા મિત્રો હતા અને પછી લગ્ન કર્યા.

• સમાનતા: અમારા ઘરમાં કામ કે રોલ્સ નક્કી નથી. અમે એકબીજાના કામનો આદર કરીએ છીએ.

• માતા-પિતાનું ઉદાહરણ: જ્યારે અમિતાભ અને જયા બચ્ચનના લગ્ન થયા, ત્યારે જયાજી મોટા સ્ટાર હતા. તેથી મારા માટે પત્નીની સફળતા ક્યારેય અસામાન્ય નથી રહી.

‘ઈગો’ અને લગ્ન પર મોટું નિવેદન

અભિષેકે સ્પષ્ટ શબ્દોમાં કહ્યું, “હું એવા લગ્ન નથી ઈચ્છતો જ્યાં પત્નીએ મારું ‘પુરુષત્વ’ પોષવા માટે પોતાના કરિયરનું બલિદાન આપવું પડે. કોઈ પણ સંબંધમાં એક વ્યક્તિએ પાછળ હટવાની જરૂર નથી.” તેમણે ઉમેર્યું કે ઐશ્વર્યા અને તેમના વિચારો ઘણા સમાન છે.

દીકરી આરાધ્યાએ શીખવ્યો પાઠ

અભિષેકે આરાધ્યા સાથેનો એક રમુજી કિસ્સો શેર કર્યો. અભિષેક બચ્ચને આરાધ્યાના બાળપણનો એક કિસ્સો શેર કરતા કહ્યું કે, ‘જ્યારે તે નાની હતી, ત્યારે અમે ટીવી જોઈ રહ્યા હતા અને હું Peppa Pig જોઈને પરેશાન થઈ રહ્યો હતો. મેં કહ્યું, અરે આરાધ્યા… તમને ખબર છે, બાળકો ક્યારેક-ક્યારેક કોઈ અલગ જ દુનિયામાં ખોવાયેલા લાગે છે. મેં ફરી કહ્યું, આરાધ્યા, શું તું પપ્પા માટે એક ગ્લાસ પાણી લાવી શકે છે? તેણે મારી સામે એવી રીતે જોયું જાણે કહેવા માંગતી હોય, શું? મેં ફરી કહ્યું, શું તું મને એક ગ્લાસ પાણી આપી શકીશ? તેણે પૂછ્યું, કેમ? મેં કહ્યું કારણ કે મેં તને કહ્યું છે. તે સામાન્ય છે, ખરું ને? હું પિતા છું, તો પાણી લઈ આવો. તે ઉભી થઈ અને ખૂબ જ પ્રેમથી મારા માટે પાણી લઈને આવી. મેં કહ્યું, આભાર, અને તે ફરીથી જઈને બેસી ગઈ.’

અભિષેકે આગળ જણાવ્યું કે, ‘થોડા સમય પછી કંઈક ખૂબ જ રસપ્રદ બન્યું. લગભગ અડધા કલાક પછી આરાધ્યાએ મને અવાજ આપ્યો કે, પપ્પા? મેં કહ્યું, હા?  તો તેણે પૂછ્યું કે ‘શું તમે મને એક ગ્લાસ પાણી આપી શકો છો?’ અને મેં કહ્યું, તું જાતે જઈને લઈ આવ.’ તેણે કહ્યું, કેમ? જો તમે મને કહી શકો છો, તો હું તમને કેમ ન કહી શકું? મારી પાસે કોઈ જવાબ નહોતો. અને મેં વિચાર્યું, તે બિલકુલ સાચી છે. હું તેના પર મારો અધિકાર કે રુતબો ન દેખાડી શકું. જો તે મારા માટે પાણી લાવી શકે, તો હું તેના માટે કેમ ન લાવી શકું? મેં ફરી ક્યારેય તેની સામે ટકરાવ ન સામનો કર્યો. તેની વાત ખૂબ જ તાર્કિક હતી.’

• આરાધ્યા ખૂબ જ તાર્કિક સવાલો પૂછે છે.

• અમે તેને શું સાચું છે તે કહેતા નથી, પણ પોતે કરી બતાવીએ છીએ.

• અમે દીકરી માટે રોલ મોડેલ બનવાનો પ્રયાસ કરીએ છીએ.

નેપોટિઝમ પર સ્પષ્ટતા

અભિષેકે એ વાત પણ સાફ કરી કે તેને પિતા અમિતાભ બચ્ચને લોન્ચ નથી કર્યો. જોકે, પાછળથી તેમણે સાથે ફિલ્મો ચોક્કસ કરી છે. અભિષેક માને છે કે મહેનત વગર આ ઉદ્યોગમાં ટકી રહેવું મુશ્કેલ છે.