ડ્રીમકેચર માત્ર સજાવટની વસ્તુ નથી, વાસ્તુશાસ્ત્રમાં પણ છે તેનું ખાસ મહત્વ; જાણો લગાવવાની સાચી દિશા અને ફાયદા

વાસ્તુશાસ્ત્રમાં ઘરની દરેક વસ્તુને ઉર્જાના સંતુલન સાથે જોડીને જોવામાં આવે છે. સામાન્ય રીતે લોકો ઘરને સુંદર બનાવવા માટે ડ્રીમકેચર (Dreamcatcher) નો ઉપયોગ કરે છે. પરંતુ વાસ્તુ અનુસાર, તે નકારાત્મક ઉર્જા (Negative Energy) ને રોકીને ઘરમાં સકારાત્મક ઉર્જા વધારવામાં મદદ કરે છે. જો તેને સાચી દિશા અને સાચી જગ્યાએ લગાવવામાં આવે તો ઘરનું વાતાવરણ શાંત અને સંતુલિત રહે છે.

ડ્રીમકેચરનું પ્રતીકાત્મક મહત્વ

ડ્રીમકેચરનો ગોળ આકાર ‘સર્કલ ઓફ લાઈફ’ (Circle of Life) એટલે કે જીવનના ચક્રનું પ્રતીક માનવામાં આવે છે. તે જીવનના કર્મો અને નિરંતરતા દર્શાવે છે. એવું માનવામાં આવે છે કે તે જીવનમાં પોઝિટિવ એનર્જી આકર્ષિત કરે છે અને ખરાબ વિચારો તથા નકારાત્મકતાને દૂર રાખે છે.

કઈ દિશામાં લગાવવું શુભ?

વાસ્તુશાસ્ત્ર અનુસાર, ડ્રીમકેચર લગાવવા માટે દિશાનું ખૂબ મહત્વ છે.

• તેને ઘરની પૂર્વ અથવા ઉત્તર-પશ્ચિમ (વાયવ્ય) દિશામાં લગાવવું સૌથી શુભ માનવામાં આવે છે.

• સાચી દિશામાં લગાવવાથી ઘરમાં ઉર્જાનો પ્રવાહ સારો રહે છે. ખોટી દિશામાં લગાવવાથી તેનો લાભ મળતો નથી.

લગાવવાની સાચી રીત કઈ?

ડ્રીમકેચરને ક્યારેય દીવાલ પર સીધું ચિપકાવવું જોઈએ નહીં. તેને હંમેશા એવી રીતે લટકાવવું જોઈએ જેથી તે હવામાં મુક્તપણે હલી શકે. માન્યતા છે કે જ્યારે તે હવામાં ધીમે-ધીમે ઝૂલે છે, ત્યારે જ તે સકારાત્મક ઉર્જા સક્રિય કરે છે.

ભૂલથી પણ આ જગ્યાઓ પર ન લગાવો

• રસોડું (Kitchen): રસોડામાં ધુમાડો અને ચીકાશ હોવાને કારણે ડ્રીમકેચર ત્યાં ન લગાવવું જોઈએ, તેનાથી તેની ઉર્જા પ્રભાવિત થાય છે.

• બેડરૂમ (Bedroom): તેને બેડની બિલકુલ સામે અથવા માથાના ભાગે ઉપર ન લગાવવું જોઈએ. તેનાથી માનસિક શાંતિ ખોરવાઈ શકે છે.

• સ્ટડી એરિયા (Study Area): ભણવાની જગ્યાએ તેને લગાવવાથી ધ્યાન ભટકવાની શક્યતા રહે છે.

ખુલ્લી હવામાં આપે છે શ્રેષ્ઠ પરિણામ

ડ્રીમકેચરને બાલકની અથવા એવી જગ્યાએ લગાવવું શ્રેષ્ઠ છે જ્યાં પૂરતી હવા આવતી હોય. કુદરતી હવામાં તેના હલવાથી ઘરમાં પોઝિટિવ વાઇબ્સ જળવાઈ રહે છે. બંધ રૂમ કે સ્ટોર રૂમમાં તેની કોઈ અસર થતી નથી.

(Disclaimer: અહીં આપવામાં આવેલી માહિતી ધાર્મિક આસ્થાઓ અને લોક માન્યતાઓ પર આધારિત છે, જેનો કોઈ વૈજ્ઞાનિક પુરાવો નથી.)