ઉત્તર પ્રદેશના ગોરખપુરના કેન્ટોનમેન્ટ પોલીસ સ્ટેશન વિસ્તારમાં ત્રણ દિવસથી બંધ પડેલી દુકાનની અંદરથી 25 વર્ષીય યુવતી નો મૃતદેહ મળી આવ્યો હતો. આ ઘટનાને કારણે વિસ્તારમાં ભારે ગભરાટ ફેલાયો છે. પોલીસે મૃતદેહને પોસ્ટમોર્ટમ માટે મોકલી દીધો છે અને તપાસ શરૂ કરી દીધી છે. આ ઘટના જિલ્લા પંચાયત રોડ પર આવેલા મહારાણા પ્રતાપ બિલ્ડીંગમાં બની હતી. શહેરના કેન્ટ પોલીસ સ્ટેશન વિસ્તારમાં આવેલી એક ફ્લેક્સ પ્રિન્ટિંગની દુકાનમાંથી 25 વર્ષીય યુવતી નો મૃતદેહ મળી આવતા સમગ્ર વિસ્તારમાં ચકચાર મચી ગઈ છે.
દુકાનમાંથી આવતી હતી દુર્ગંધ
ઘટનાની વિગત મુજબ, જિલ્લા પંચાયત રોડ પર આવેલી ‘યશ ફ્લેક્સ’ નામની દુકાન છેલ્લા ત્રણ દિવસથી બંધ હતી. આસપાસના દુકાનદારોને તેમાંથી અસહ્ય દુર્ગંધ આવતા તેમણે પોલીસને જાણ કરી હતી. પોલીસે ઘટનાસ્થળે પહોંચી દુકાનનું શટર ખોલાવતા અંદરથી યુવતી ની લાશ મળી આવી હતી.
મૃતકની ઓળખ અને પાર્ટનર પર શંકા
મૃતક યુવતી ની ઓળખ ગંગોત્રી યાદવ (રહે. મહારાજગંજ) તરીકે થઈ છે.
-
ગંગોત્રી છેલ્લા 8 વર્ષથી અનિલ ગુપ્તા નામના યુવક સાથે લિવ-ઈન રિલેશનશિપમાં રહેતી હતી.
-
છેલ્લા ત્રણ દિવસથી ગંગોત્રીનો ફોન બંધ હોવાથી ચિંતિત પરિવારજનો ગોરખપુર પહોંચ્યા હતા.
-
ઘટના બાદથી તેનો પાર્ટનર અનિલ ગુપ્તા ફરાર છે અને તેનો મોબાઈલ પણ બંધ આવી રહ્યો છે.
પોલીસ તપાસ તેજ
પોલીસે મૃતદેહને પોસ્ટમોર્ટમ માટે મોકલી આપ્યો છે. પ્રાથમિક દ્રષ્ટિએ આ હત્યાનો મામલો જણાઈ રહ્યો છે. પરિવારની ફરિયાદના આધારે પોલીસે ફરાર અનિલ ગુપ્તાની શોધખોળ શરૂ કરી છે. દુકાનદારોના જણાવ્યા મુજબ, ત્રણ દિવસથી દુકાન ન ખૂલતા કોઈને અંદર શું બન્યું છે તેની જાણ નહોતી.
