વડાપ્રધાન નરેન્દ્ર મોદીએ જાહેર જીવનમાં એક ઐતિહાસિક સિદ્ધિ હાંસલ કરી છે. તેઓ ભારતમાં સૌથી વધુ સમય સુધી સરકારના વડા તરીકે સેવા આપનાર વ્યક્તિ બની ગયા છે. રવિવારે તેમણે સિક્કિમના પૂર્વ મુખ્યમંત્રી પવન કુમાર ચામલિંગનો 8,930 દિવસનો રેકોર્ડ તોડ્યો છે.
24 વર્ષથી એક પણ રજા નથી લીધી
કેન્દ્રીય ગૃહમંત્રી અમિત શાહે સોશિયલ મીડિયા પર પીએમ મોદીની આ સિદ્ધિની પ્રશંસા કરી છે. તેમણે જણાવ્યું કે, પીએમ મોદી છેલ્લા 24 વર્ષથી વધુ સમયથી એક પણ રજા લીધા વિના સતત દેશની સેવા કરી રહ્યા છે. આ તેમની રાષ્ટ્ર પ્રત્યેની અતૂટ પ્રતિબદ્ધતાનો પુરાવો છે.
મુખ્યમંત્રીથી વડાપ્રધાન સુધીની સફર
નરેન્દ્ર મોદીએ 7 ઓક્ટોબર 2001ના રોજ પ્રથમ વખત ગુજરાતના મુખ્યમંત્રી તરીકે શપથ લીધા હતા. તેઓ 21 મે 2014 સુધી આ પદ પર રહ્યા. ત્યારબાદ 2014ની લોકસભા ચૂંટણીમાં ભવ્ય વિજય મેળવીને તેઓ દેશના વડાપ્રધાન બન્યા.
Modi Ji’s decades of Seva have shaped an era of his own. Whether it is giving the poor their rights, setting new landmarks in development or enhancing the nation's pride on global platforms, the Modi era has transformed India unrecognisably.
Fostering this new India required a…
— Amit Shah (@AmitShah) March 22, 2026
અમિત શાહે શું કહ્યું?
અમિત શાહે ટ્વિટમાં લખ્યું કે, “મોદીજીના દાયકાઓની સેવાએ એક નવા યુગને જન્મ આપ્યો છે. ગરીબોને તેમના અધિકારો અપાવવા હોય કે વૈશ્વિક મંચ પર ભારતનું ગૌરવ વધારવું હોય, પીએમ મોદીએ ભારતને સંપૂર્ણ રીતે બદલી નાખ્યું છે.” તેમણે વધુમાં ઉમેર્યું કે જનતાનો તેમના પ્રત્યેનો વિશ્વાસ અને સ્નેહ દિવસો-દિવસ વધી રહ્યો છે.
રેકોર્ડ બ્રેક સેવાના 8,931 દિવસ
-
ગુજરાતના મુખ્યમંત્રી: 3 વખત સેવા આપી.
-
ભારતના વડાપ્રધાન: સતત 3 વખત જનતાએ ચૂંટ્યા.
-
કુલ દિવસો: 8,931 દિવસ (રવિવાર સુધી).
આ સિદ્ધિ માત્ર આંકડા નથી, પરંતુ સખત મહેનત, ઈમાનદારી અને ‘રાષ્ટ્ર પ્રથમ’ની ભાવનાનું પરિણામ છે.
૭ ઓક્ટોબર, ૨૦૦૧ના રોજ પીએમ મોદીએ ગુજરાતના મુખ્યમંત્રી તરીકે શપથ લીધા હતા. તેઓ ૨૧ મે, ૨૦૧૪ સુધી આ પદ પર રહ્યા હતા. ૨૦૧૪ની લોકસભા ચૂંટણીમાં ૨૮૨ બેઠકો મેળવીને ભાજપને પ્રચંડ વિજય અપાવ્યા બાદ, ૨૬ મેના રોજ મોદીએ પહેલી વાર વડા પ્રધાન તરીકે શપથ લીધા હતા. ભાજપ સ્પષ્ટ બહુમતી મેળવનાર પ્રથમ બિન-કોંગ્રેસી પક્ષ બન્યો, જેમાં કોંગ્રેસ પાર્ટીને હરાવી, જેને ફક્ત ૪૪ બેઠકો મળી હતી.
