Geniben Thakor : બનાસકાંઠાના કોંગ્રેસ સાંસદ ગેનીબેન ઠાકોરની ગાડીનો પાલનપુર-ડીસા હાઈવે પર અકસ્માત સર્જાયો હતો. કુશકલ પાટિયા નજીક ગેની બેનની ગાડીએ એક યુવકને ટક્કર મારતા તે ગંભીર રીતે ઇજાગ્રસ્ત થયો હતો.
બનાસકાંઠા જિલ્લાના પાલનપુર–ડીસા હાઇવે પર આવેલા કુશકલ પાટીયા નજીક એક અકસ્માત થયો હતો. આ સમગ્ર મામલે હવે ઇજાગ્રસ્ત યુવકના પરિવારજનોએ એક મોટો આક્ષેપ કર્યો છે.
ઈજાગ્રસ્ત યુવકના પરિવારે આક્ષેપ કર્યો કે અકસ્માત સમયે સાંસદ પોતે ગાડીમાં હાજર હતા. અકસ્માત બાદ જ્યારે લોકોએ મોબાઈલમાં ઘટનાના ફોટા અને વીડિયો લેવાનું શરૂ કર્યું, ત્યારે સાંસદ ગેનીબેન ઠાકોરના માણસોએ તે વીડિયો બળજબરીથી ડિલીટ કરાવી દીધા. અકસ્માત બાદ સાંસદ ઇજાગ્રસ્તને હોસ્પિટલ લઈ જવા કે મદદ કરવાને બદલે ત્યાંથી રવાના થઈ ગયા હતા. જો કે, બીજા દિવસે તેઓ હોસ્પિટલની મુલાકાતે પહોંચ્યા હતા.
