રાયો એસ. બખિરતા ; વર્ષ ૨૦૧૧માં આવેલી ફિલ્મ ‘પ્યાર કા પંચનામા’ સુપરહિટ રહી હતી. આ ફિલ્મથી કાર્તિક આર્યન અને દિવ્યેન્દુ સ્ટાર બની ગયા. પરંતુ ફિલ્મમાં જોવા મળેલો ત્રીજો હીરો આજે ક્યાં છે અને શું કરે છે? જાણો ૧૫ વર્ષ પછી તેના વિશે ખાસ વાતો.
બોક્સ ઓફિસ પર ઈતિહાસ રમનારી ‘પ્યાર કા પંચનામા’
જ્યારે ડિરેક્ટર લવ રંજનની ફિલ્મ ‘પ્યાર કા પંચનામા’ (Pyaar Ka Punchnama) સિનેમાઘરોમાં રિલીઝ થઈ, ત્યારે કોઈએ વિચાર્યું ન હતું કે આ ફિલ્મ ઈતિહાસ રચી દેશે. ત્રણ કુંવારા છોકરાઓની જિંદગી અને તેમની રિલેશનશિપના ડ્રામાને યુવાનોએ ખૂબ જ પસંદ કર્યો હતો.
આ ફિલ્મે જ્યાં એકતરફ કાર્તિક આર્યન (Kartik Aaryan) ના કરિયરને આસમાને પહોંચાડ્યું, તો બીજી તરફ દિવ્યેન્દુ શર્મા (Divyenndu) ને ‘લિક્વિડ’ તરીકે મોટી ઓળખ આપી, જે આગળ જતાં ‘મુન્ના ભૈયા’ બનીને ઓટીટી પર છવાઈ ગયો. પરંતુ આ બંને સિવાય ફિલ્મમાં એક ત્રીજો હીરો પણ હતો, જે પોતાના ગુડ લુક્સના કારણે લાખો ફીમેલ ફેન્સના દિલની ધડકન બની ગયો હતો.
‘વિક્રાંત ચૌધરી’ના પાત્રથી મેળવી હતી લોકપ્રિયતા
ફિલ્મમાં ‘વિક્રાંત ચૌધરી’ (ચોકુ) નું મહત્વનું પાત્ર ભજવનાર આ હેન્ડસમ હંકનું અસલી નામ રાયો એસ. બખિરતા (Raayo S. Bakhirta) છે. ફિલ્મમાં તે એક એવો સીધો અને પ્રેમમાં ડૂબેલો છોકરો બન્યો હતો, જે પોતાની ગર્લફ્રેન્ડ ‘રિયા’ના ઈશારા પર નાચતો હતો.
રાયોના ગુડ લુક્સ અને તેની શાનદાર કોમિક ટાઈમિંગે તેને રાતોરાત ચર્ચામાં લાવી દીધો હતો. ફિલ્મ હિટ થયા બાદ એવું લાગતું હતું કે રાયો પણ લાંબી રેસનો ઘોડો સાબિત થશે, પરંતુ સમય જતાં તે મોટા પડદાની ચકાચૌંધથી દૂર થઈ ગયો.
બોલિવૂડથી દૂરી બનાવી, પરંતુ એક્ટિંગમાં છે એક્ટિવ
કાર્તિક અને દિવ્યેન્દુએ ભલે બોલિવૂડની મુખ્યધારાની ફિલ્મોમાં પોતાની જગ્યા બનાવી લીધી હોય, પણ રાયો એસ. બખિરતાએ એક અલગ જ રસ્તો પસંદ કર્યો છે. રાયોએ અભિનયની દુનિયા છોડી નથી. તે આજે પણ માયાનગરી મુંબઈમાં જ રહે છે અને સતત રસપ્રદ પ્રોજેક્ટ્સ તેમજ થિયેટર (નાટક) ની દુનિયામાં સક્રિય છે.
શોર્ટ ફિલ્મ્સ, મ્યુઝિક વીડિયો અને આગામી પ્રોજેક્ટ્સ:
-
વેબ સિરીઝ: તે તાજેતરમાં જ રોકેટ રીલ્સ એપ પર રિલીઝ થયેલી મિની ડ્રામા સિરીઝ ‘મેરા પીએ ડોન’ માં મુખ્ય ભૂમિકામાં જોવા મળ્યો હતો.
-
મ્યુઝિક વીડિયો: થોડા સમય પહેલા જ તેનો એક ઇન્ડિપેન્ડન્ટ મ્યુઝિક સિંગલ વીડિયો ‘મૈં અલગ હૂં’ રિલીઝ થયો હતો, જેને લોકોએ ખૂબ પસંદ કર્યો હતો.
-
થિયેટર કનેક્શન: નાટકો સાથે તેનો ઊંડો સંબંધ છે. તાજેતરમાં જ તેણે ‘એક રાધા-અ મ્યુઝિકલ લવ સ્ટોરી’ નામના નાટકમાં શાનદાર એક્ટિંગ કરી હતી.
-
આગામી ફિલ્મો: આઈએમડીબી (IMDb) ના અહેવાલો મુજબ, આવનારા સમયમાં તે ‘સક્ષમ’, ‘બ્રૂની’ અને ‘ડીએનએ મેં ગાંધીજી’ જેવી અલગ પ્રકારની ફિલ્મોમાં જોવા મળશે.
