IPL 2026 ના ઉત્સાહ વચ્ચે, શિસ્ત અંગે કડક વલણ હવે સ્પષ્ટ થઈ રહ્યું છે. મુંબઈ ઇન્ડિયન્સ અને રોયલ ચેલેન્જર્સ બેંગલુરુ વચ્ચે રમાયેલી મેચ બાદ નિયમોનું ઉલ્લંઘન કરવા બદલ ખેલાડીઓ સામે કાર્યવાહી કરવામાં આવી છે. રોયલ ચેલેન્જર્સ બેંગલુરુના સ્ટાર ઓલરાઉન્ડર ટિમ ડેવિડને તેની મેચ ફીના 25% દંડ ફટકારવામાં આવ્યો છે. વધુમાં, તેને એક ડિમેરિટ પોઈન્ટ આપવામાં આવ્યો છે. આ કાર્યવાહી IPL આચારસંહિતાના લેવલ 1 ઉલ્લંઘન હેઠળ કરવામાં આવી હતી. RCB ના ઓલરાઉન્ડર ટિમ ડેવિડ અને મુંબઈના કેપ્ટન હાર્દિક પંડ્યાને નિયમોના ઉલ્લંઘન બદલ દંડ ફટકારવામાં આવ્યો છે.
ટિમ ડેવિડ પર મેચ ફીનો 25% દંડ
RCB ના સ્ટાર ખેલાડી ટિમ ડેવિડ પર અમ્પાયરના નિર્દેશોનું પાલન ન કરવાનો આરોપ છે. મેચ દરમિયાન જ્યારે અમ્પાયરે બોલ બદલવાનું કહ્યું, ત્યારે ડેવિડે બોલ સોંપવામાં વિલંબ કર્યો હતો. આ ભૂલ બદલ તેમની મેચ ફીના 25% દંડ અને એક ડિમેરિટ પોઈન્ટ આપવામાં આવ્યો છે. ડેવિડે પોતાની ભૂલ સ્વીકારી લીધી છે.
ಬಾಲ್ ಕೊಡು ಡೇವಿಡ್ ಅಣ್ಣ!😂
ವೀಕ್ಷಿಸಿ | #IPLRivalryWeek2026 👉 #MIvRCB | LIVE NOW | ನಿಮ್ಮ Star Sports ಕನ್ನಡ & JioHotstar ನಲ್ಲಿ. #TATAIPL pic.twitter.com/y8t7AbdkK2
— Star Sports Kannada (@StarSportsKan) April 12, 2026
કેપ્ટન હાર્દિક પંડ્યાને 12 લાખનો ફટકો
બીજી તરફ, મુંબઈ ઇન્ડિયન્સના કેપ્ટન હાર્દિક પંડ્યા પર સ્લો ઓવર રેટ બદલ કાર્યવાહી કરવામાં આવી છે. આ સીઝનમાં મુંબઈની આ પહેલી ભૂલ હોવાથી હાર્દિક પર 12 લાખ રૂપિયાનો દંડ લગાવવામાં આવ્યો છે.
મેચનું પરિણામ: RCB ની શાનદાર જીત
આ મેચમાં RCB એ મુંબઈ ઇન્ડિયન્સને 18 રનથી હરાવી સીઝનની ત્રીજી જીત નોંધાવી છે. પ્રથમ બેટિંગ કરતા RCB એ 240 રનનો વિશાળ સ્કોર બનાવ્યો હતો. જેમાં ફિલિપ સોલ્ટે 78 રન, વિરાટ કોહલીએ અડધી સદી અને કેપ્ટન રજત પાટીદારે 53 રન ફટકાર્યા હતા. જવાબમાં મુંબઈની ટીમ 222 રન જ બનાવી શકી હતી.
