આગામી મહિને ઈંગ્લેન્ડ અને વેલ્સમાં યોજાનારા ICC વૂમેન્સ T20 વર્લ્ડ કપ 2026 માટે ભારતીય મહિલા ટીમ ની જાહેરાત થઈ ગઈ છે. મુંબઈમાં મળેલી સિલેક્શન કમિટીની બેઠકમાં 15 ખેલાડીઓની પસંદગી કરવામાં આવી છે. હરમનપ્રીત કૌર ફરી એકવાર ટીમનું નેતૃત્વ કરશે.
નવા ચહેરાને મળી તક ; ભારતીય મહિલા ટીમ
ભારતીય મહિલા ટીમ માં સૌથી આશ્ચર્યજનક અને મહત્વનું નામ નંદની શર્માનું છે. ચંદીગઢની 24 વર્ષની આ ફાસ્ટ બોલરે WPL 2026માં દિલ્હી કેપિટલ્સ માટે શાનદાર પ્રદર્શન કરી 17 વિકેટ ઝડપી હતી. તેના ઉત્કૃષ્ટ ફોર્મને જોતા તેને વર્લ્ડ કપની ટીમમાં સ્થાન મળ્યું છે.
The wait is over! ⌛
🚨 Presenting #TeamIndia’s squad for the ICC Women’s T20 World Cup 2026 🇮🇳
Let's bring out the cheers for #WomenInBlue 🤩#T20WorldCup pic.twitter.com/vZTGtqeTZL
— BCCI Women (@BCCIWomen) May 2, 2026
ટીમ ઈન્ડિયાનું શેડ્યૂલ
ટૂર્નામેન્ટનો પ્રારંભ 12 જૂનથી થશે. ભારતને ગ્રુપ-એમાં રાખવામાં આવ્યું છે. ભારતીય ટીમનું શેડ્યૂલ નીચે મુજબ છે:
-
14 જૂન: ભારત વિ. પાકિસ્તાન (બર્મિંઘમ)
-
17 જૂન: ભારત વિ. નેધરલેન્ડ (લીડ્સ)
-
21 જૂન: ભારત વિ. સાઉથ આફ્રિકા (મેનચેસ્ટર)
-
25 જૂન: ભારત વિ. બાંગ્લાદેશ (મેનચેસ્ટર)
-
28 જૂન: ભારત વિ. ઓસ્ટ્રેલિયા (લંડન – લોર્ડ્સ)
વર્લ્ડ કપ માટેની ભારતીય ટીમ
હરમનપ્રીત કૌર (કેપ્ટન), સ્મૃતિ મંધાના (વાઈસ કેપ્ટન), શેફાલી વર્મા, જેમિમા રોડ્રિગ્સ, દીપ્તિ શર્મા, ઋચા ઘોષ (કીપર), અરુંધતી રેડ્ડી, રેણુકા ઠાકુર, ક્રાંતિ ગૌડ, શ્રી ચરણી, શ્રેયંકા પાટીલ, ભારતી ફુલમાલી, યાસ્તિકા ભાટિયા, નંદની શર્મા અને રાધા યાદવ.
વર્લ્ડ કપ પહેલા ટીમ ઈન્ડિયા ઈંગ્લેન્ડ સામે ત્રણ T20 મેચની સિરીઝ અને લોર્ડ્સના મેદાન પર એક ઐતિહાસિક ટેસ્ટ મેચ પણ રમશે.
