આજના સમયમાં બાઇક માત્ર મુસાફરીનું સાધન નથી, પરંતુ સ્ટેટસ સિમ્બોલ પણ બની ગઈ છે. ઘણા લોકો સારી સેલરી મળતા જ પોતાની મનપસંદ સ્પોર્ટ્સ કે પ્રીમિયમ બાઇક ખરીદવાનું સપનું જોવા લાગે છે. પરંતુ ઘણીવાર લોકો ઉત્સાહમાં આવીને પોતાની ક્ષમતા કરતાં વધુ મોંઘી બાઇક ખરીદી લે છે. ત્યારબાદ દર મહિને તેનો મોટો EMI ચૂકવવો મુશ્કેલ બની જાય છે. તમારી આ જ મૂંઝવણ દૂર કરવા માટે ફાઇનાન્સિયલ એક્સપર્ટે પર્સનલ ફાઇનાન્સનો એક બહુ જ સરળ અને જાદુઈ નિયમ શેર કર્યો છે.
બાઇક ખરીદવાનો સુવર્ણ નિયમ: ’10-3-15′ રૂલ
જો તમે લોન પર બાઇક લેવાનું વિચારી રહ્યા છો, તો ફાઇનાન્સિયલ એક્સપર્ટ અંકુર વારીકૂ હંમેશા એક ખાસ નિયમ ’10-3-15′ ફોલો કરવાની સલાહ આપે છે. ચાલો તેને વિગતવાર સમજીએ:
-
૧૦% ડાઉન પેમેન્ટ: બાઇકની કુલ ઓન-રોડ કિંમતના ઓછામાં ઓછા ૧૦% ટકા પૈસા તમારે રોકડા (ડાઉન પેમેન્ટ) આપવા જોઈએ.
-
૩ વર્ષની લોન: તમારી વહીકલ લોનનો સમયગાળો વધુમાં વધુ ૩ વર્ષ (૩૬ મહિના) થી વધારે ન હોવો જોઈએ.
-
૧૫% સેલરી નિયમ: તમારી બાઇકનો માસિક EMI તમારી દર મહિનાની ઇન-હેન્ડ સેલરીના ૧૫% ટકાથી વધુ ક્યારેય ન હોવો જોઈએ.
તમારી સેલરીના હિસાબે જુઓ તમારા માટે બેસ્ટ બાઇક
૧. ૧૫,૦૦૦ રૂપિયા માસિક સેલરી
આ સેલરી બ્રેકેટમાં આવતા લોકોએ ઘરના અન્ય ખર્ચાઓને ધ્યાનમાં રાખીને વધુ માઇલેજ આપતી બાઇક પસંદ કરવી જોઈએ. એક્સપર્ટના મતે, તમારા માટે બજાજ પ્લેટિના (Bajaj Platina) જેવી ટકાઉ બાઇક બેસ્ટ રહેશે, જેનો અંદાજિત માસિક EMI આશરે ૧,૮૦૦ રૂપિયા આવશે.
૨. ૨૫,૦૦૦ રૂપિયા માસિક સેલરી
દર મહિને ૨૫,૦૦૦ રૂપિયા કમાતા યુવાનો માટે એક સ્ટાઇલિશ અને સ્પોર્ટી કમ્યુટર બાઇક સારો ઓપ્શન છે. તમે શાનદાર પરફોર્મન્સ વાળી TVS Raider ખરીદી શકો છો. આ બાઇક માટે તમારે દર મહિને આશરે ૩,૦૦૦ રૂપિયાનો EMI ચૂકવવો પડશે.
૩. ૫૦,૦૦૦ રૂપિયા માસિક સેલરી
જો તમારી માસિક આવક ૫૦,૦૦૦ રૂપિયા છે, તો તમે થોડા પ્રીમિયમ અને ક્રૂઝર સેગમેન્ટ તરફ આગળ વધી શકો છો. તમારા બજેટ અનુસાર રોયલ એનફિલ્ડ હન્ટર (RE Hunter) એક શાનદાર ચોઇસ હોઈ શકે છે. આનો માસિક EMI તમારા ખિસ્સા પર બોજ નાખ્યા વગર આશરે ૫,૫૦૦ રૂપિયાની આસપાસ રહેશે.
૪. ૧,૦૦,૦૦૦ રૂપિયા માસિક સેલરી
જો તમારી ઇન-હેન્ડ સેલરી ૧ લાખ રૂપિયા કે તેથી વધુ છે, તો તમે પ્રીમિયમ સ્પોર્ટ્સ અથવા સુપરબાઇક સેગમેન્ટની મજા માણી શકો છો. તમે Kawasaki Vulcan S જેવી લક્ઝરી ક્રૂઝર બાઇક ખરીદી શકો છો, જેના માટે તમારે દર મહિને આશરે ૧૨,૦૦૦ રૂપિયાનો EMI આપવો પડશે.
મહત્વની સલાહ: બાઇક ખરીદતી વખતે હંમેશા લાંબા ગાળાના મેન્ટેનન્સ અને પેટ્રોલના ખર્ચનો પણ અંદાજ લગાવો, જેથી ભવિષ્યમાં આર્થિક ખેંચતાણ ન થાય.
