ડોનાલ્ડ ટ્રમ્પનું વિસ્ફોટક નિવેદન: “જો હું ન હોત તો આજે ઇઝરાયેલ પણ ન હોત, હું ટૂંક સમયમાં ઇરાનના અયાતુલ્લાને મળીશ”

અમેરિકાના રાષ્ટ્રપતિ ડોનાલ્ડ ટ્રમ્પ પોતાના બેબાક નિવેદનો માટે જાણીતા છે. ફરી એકવાર તેમણે આંતરરાષ્ટ્રીય રાજકારણમાં ગરમાવો લાવી દીધો છે. ટ્રમ્પે ઇઝરાયેલના પીએમ બેન્જામિન નેતન્યાહુ અને ઇરાન સાથેના વિવાદ અંગે એક ચોંકાવનારું નિવેદન આપ્યું છે.

ટ્રમ્પે દાવો કર્યો છે કે જો તેઓ અમેરિકાના રાષ્ટ્રપતિ ન હોત, તો આજે વિશ્વના નકશા પર ઇઝરાયેલનું કોઈ અસ્તિત્વ જ ન હોત. આ સાથે જ તેમણે ઇરાનના સર્વોચ્ચ નેતા અયાતુલ્લા અલી ખામેનેઈ સાથે મુલાકાત કરવાની ઈચ્છા પણ વ્યક્ત કરી છે.

ઇરાન અને અયાતુલ્લા અંગે ટ્રમ્પનો મોટો દાવો

અમેરિકા અને ઇઝરાયેલે તાજેતરમાં જ ઇરાન પર સંયુક્ત સૈન્ય હુમલો કર્યો હતો. ત્યારથી બંને દેશો વચ્ચે તણાવ ચરમસીમા પર છે. આ દરમિયાન ટ્રમ્પે ઇરાન અંગે ઘણી વાતો કહી:

• પરમાણુ હથિયાર પર રોક: ટ્રમ્પે કહ્યું કે ઇરાન પરમાણુ હથિયાર ન રાખવા પર સહમત થઈ ચૂક્યું છે. જોકે તેઓ પોતાનો નિર્ણય બદલી શકે છે, પણ અમે તેમને ક્યારેય પરમાણુ શક્તિ બનવા દઈશું નહીં.

• અયાતુલ્લા સાથે મુલાકાત: ટ્રમ્પે જણાવ્યું કે, “મને હજુ સુધી અયાતુલ્લાને મળવાનું સૌભાગ્ય મળ્યું નથી. તેમની સ્થિતિ બહુ સારી નથી, તેઓ ગાયબ છે. પણ હું કદાચ કોઈ દિવસ ઇરાનના અયાતુલ્લાને ચોક્કસ મળીશ.”

બેન્જામિન નેતન્યાહુ પર વરસ્યા ટ્રમ્પ

ઇરાન સાથેના યુદ્ધમાં ઇઝરાયેલના પીએમ બેન્જામિન નેતન્યાહુના વલણથી ટ્રમ્પ થોડા નારાજ દેખાયા હતા.

• ટ્રમ્પે એક્સિઓસ (Axios) ના રિપોર્ટને ટાંકીને કહ્યું કે તેમણે નેતન્યાહુને સીધું જ કહી દીધું હતું કે, “તમે બિલકુલ પાગલ છો.”

• ટ્રમ્પે ઉમેર્યું કે, “ઇઝરાયેલ સતત લેબનાન સાથે લડી રહ્યું હતું, જેનાથી હું પરેશાન હતો. મેં નેતન્યાહુને સ્પષ્ટ કહ્યું હતું કે આપણે આ યુદ્ધ રોકવું પડશે.”

“હું જેનું સમર્થન કરું છું, તે જીતે છે”

પોતાની પ્રશંસા કરતા ડોનાલ્ડ ટ્રમ્પે કહ્યું કે અમેરિકાના રાજકારણમાં તેમનો દબદબો સંપૂર્ણપણે કાયમ છે. તેમણે કહ્યું, “તમે ગયા અઠવાડિયે જોયું જ હશે ને? હું જે પણ નેતા કે વ્યક્તિનું સમર્થન કરું છું, તેની જીત નિશ્ચિત બની જાય છે.”

આ સાથે જ તેમણે અમેરિકી રાજકારણીઓ જેડી વેન્સ (JD Vance) અને માર્કો રુબિયો (Marco Rubio) ની જોરદાર પ્રશંસા કરી હતી. ટ્રમ્પે કહ્યું કે આ બંને નેતાઓ ખૂબ જ પ્રતિભાશાળી છે અને ભવિષ્યમાં આ બંનેની જોડી અમેરિકા માટે શાનદાર સાબિત થઈ શકે છે.

જો બાઈડેન પર પણ કર્યો કટાક્ષ

પોતાના સંબોધનમાં ટ્રમ્પે વર્ષ 2024માં જો બાઈડેન સાથે થયેલી પ્રમુખપદની ચર્ચા (Debate) ને પણ યાદ કરી હતી. બાઈડેન પર કટાક્ષ કરતા ટ્રમ્પે હસતા હસતા કહ્યું કે, “મેં તેમને લાઈવ જોયા અને વિચાર્યું કે તેઓ આટલા બધા ધોળા (ગોરા) કેમ પડી ગયા છે! તેમને વળી શું થઈ ગયું છે?”

< /p>