કોલકાતા: પશ્ચિમ બંગાળમાં રાજકીય માહોલ ગરમાયો છે. શુભેન્દુ અધિકારીએ મુખ્યમંત્રી પદના શપથ લેતાની સાથે જ તૃણમૂલ કોંગ્રેસ (TMC) નેતા અભિષેક બેનર્જી એ સવાલોનો મારો ચલાવ્યો છે. તેમણે સોશિયલ મીડિયા પ્લેટફોર્મ X પર પોસ્ટ મૂકીને નવી સરકાર અને ચૂંટણી પ્રક્રિયા પર આકરા પ્રહારો કર્યા છે.
30 લાખ મતદારોના નામ હટાવવાનો આરોપ ; અભિષેક બેનર્જી
અભિષેક બેનર્જીએ દાવો કર્યો છે કે બંગાળમાં ચૂંટણી ખૂબ જ કઠિન સંજોગોમાં લડવામાં આવી હતી. તેમનો આરોપ છે કે લગભગ 30 લાખ ‘વાસ્તવિક મતદારો’ ના નામ મતદારી યાદીમાંથી જાણીજોઈને હટાવી દેવામાં આવ્યા હતા. તેમણે ચૂંટણી પંચ અને સરકારી એજન્સીઓની કામગીરી પર પણ શંકા વ્યક્ત કરી છે.
CCTV ફૂટેજ જાહેર કરવાની માંગ
TMC નેતાએ મતગણતરીમાં ગેરરીતિ થઈ હોવાની આશંકા વ્યક્ત કરી છે. તેમણે માંગ કરી છે કે:
-
મતગણતરી કેન્દ્રોના CCTV ફૂટેજ જાહેર કરવામાં આવે.
-
VVPAT સ્લિપની ગણતરીમાં સંપૂર્ણ પારદર્શિતા રાખવામાં આવે.
-
કંટ્રોલ યુનિટમાં થયેલી કથિત ગરબડની તપાસ થાય.
હિંસા અંગે વ્યક્ત કરી ચિંતા
ચૂંટણી પછીની હિંસા અંગે અભિષેક બેનર્જીએ ગંભીર ચિંતા વ્યક્ત કરી છે. તેમણે આરોપ લગાવ્યો છે કે TMC ઓફિસો પર હુમલા કરવામાં આવ્યા છે. કાર્યકરોને ડરાવવામાં આવી રહ્યા છે અને ઘણા સમર્થકોએ ઘર છોડવા પડ્યા છે. લોકશાહીમાં સુરક્ષા સૌથી મહત્વની છે તેમ તેમણે ઉમેર્યું હતું.
TMC મજબૂત વિપક્ષ તરીકે લડશે
અભિષેક બેનર્જીએ સ્પષ્ટ કર્યું કે TMC મમતા બેનર્જીના નેતૃત્વમાં મજબૂત વિપક્ષ તરીકે ભૂમિકા ભજવશે. તેમણે કાર્યકરોને એકજુઠ થવા અપીલ કરી છે. હિંસા કે ધમકીનો સામનો કરી રહેલા કાર્યકરોને સીધો સંપર્ક કરવા પણ જણાવ્યું છે.
