દેશમાં પેપર લીક ની ઘટનાઓને લઈને વિદ્યાર્થીઓમાં ભારે રોષ જોવા મળી રહ્યો છે. દિલ્હીના જંતર-મંતર પર વિદ્યાર્થીઓ સતત વિરોધ પ્રદર્શન કરી રહ્યા છે. આ સ્થિતિ વચ્ચે કોકરોચ જનતા પાર્ટી (CJP)એ એક મોટો નિર્ણય લીધો છે. પાર્ટી દ્વારા શુક્રવાર, 24 જુલાઈએ દેશભરમાં મોટા પાયે આંદોલન કરવાની જાહેરાત કરવામાં આવી છે.
શિક્ષણ મંત્રી ધર્મેન્દ્ર પ્રધાનના રાજીનામાની માંગ
આ દેશવ્યાપી પ્રદર્શન પેપર લીક મામલે અને વિદ્યાર્થીઓની વિવિધ માંગણીઓને લઈને આયોજિત કરાશે.
-
આંદોલનકારી વિદ્યાર્થીઓ કેન્દ્રીય શિક્ષણ મંત્રી ધર્મેન્દ્ર પ્રધાનના રાજીનામાની કડક માંગ કરી રહ્યા છે.
-
CJPએ દેશના વધુમાં વધુ વિદ્યાર્થીઓને આ આંદોલનમાં જોડાવા માટે અપીલ કરી છે.
-
સોશિયલ મીડિયા પર ડિજિટલ પેમ્ફલેટ શેર કરીને આ અંગે માહિતગાર કરવામાં આવ્યા છે.
દરેક જિલ્લામાં એક દિવસનું શાંતિપૂર્ણ પ્રદર્શન
સંગઠને દરેક જિલ્લામાં એક દિવસ માટે શાંતિપૂર્ણ રીતે વિરોધ નોંધાવવા આગ્રહ કર્યો છે.
-
આ પ્રદર્શન માટે ‘Every District. One Day. One Demand.’નો નારો આપવામાં આવ્યો છે.
-
પ્રદર્શન દરમિયાન પોલીસ કાર્યવાહીનો ભોગ બનેલા લોકો પ્રત્યે સમર્થન દર્શાવવામાં આવશે.
-
સ્થાનિક સ્તરે જરૂરી મંજૂરીઓ અને વ્યવસ્થાઓ કરવા માટે વિદ્યાર્થી સંગઠનોને સૂચના અપાઈ છે.
SOP અને આવેદનપત્ર વેબસાઈટ પર ઉપલબ્ધ
વિદ્યાર્થીઓને કાનૂની મદદ અને સમર્થન પૂરૂં પાડવા માટે CJPએ વિશેષ તૈયારી કરી છે.
-
વિરોધ પ્રદર્શન માટે Standard Operating Procedure (SOP) જાહેર કરવામાં આવી છે.
-
પ્રચાર સામગ્રી અને આવેદનપત્ર (Memorandum)નો ડ્રાફ્ટ પોતાની અધિકૃત વેબસાઈટ પર અપલોડ કરાયો છે.
-
CJPએ લોકોને એકતા દર્શાવીને શાંતિપૂર્ણ રીતે એકઠા થવા વિનંતી કરી છે.
