બોલિવૂડ એક્ટ્રેસ પરિણીતી ચોપરા માત્ર એક શાનદાર અભિનેત્રી જ નથી, પરંતુ એક અદ્ભુત સિંગર પણ છે. તેણે પોતાની છેલ્લી ફિલ્મ ‘અમર સિંહ ચમકીલા’ માં પણ પોતાની ગાયકીથી બધાને ચોંકાવી દીધા હતા. હવે પરિણીતી ફરી એકવાર પોતાના અવાજને કારણે ચર્ચામાં આવી છે.
પરિણીતી ચોપરાએ સોશિયલ મીડિયા પર ભગવાન શિવને સમર્પિત એક ભક્તિ ગીત શેર કર્યું છે. આ વીડિયોમાં તે ભગવાન શિવની સ્તુતિ ‘રુદ્રાષ્ટકમ’ ગાતી જોવા મળી રહી છે. આ વીડિયો અત્યારે ઈન્ટરનેટ પર જોરદાર વાયરલ થઈ રહ્યો છે.
પ્રેગ્નન્સીના સમયનો છે આ વીડિયો
પરિણીતી ચોપરાએ સોમવારે પોતાના ઈન્સ્ટાગ્રામ એકાઉન્ટ પર આ નવો વીડિયો શેર કર્યો છે. વીડિયોમાં તે રુદ્રાષ્ટકમ ‘નમામી શમીશાન’ ગાઈ રહી છે.
-
એક્ટ્રેસે આ ગીત લગભગ એક વર્ષ પહેલા રેકોર્ડ કર્યું હતું.
-
વીડિયોમાં પરિણીતી વ્હાઇટ કલરના સૂટમાં રેકોર્ડિંગ સ્ટુડિયોમાં જોવા મળી રહી છે.
-
આ વીડિયોમાં તેનો બેબી બમ્પ પણ સ્પષ્ટ જોઈ શકાય છે.
પરિણીતીએ જણાવ્યું કે, આ ગીત તેણે એવા સમયે રેકોર્ડ કર્યું હતું જ્યારે તે ભગવાનની ભક્તિ અને ચિંતનની ખૂબ નજીક હતી.
પરિણીતીએ કેપ્શનમાં લખી દિલની વાત
વીડિયો શેર કરતા પરિણીતીએ કેપ્શનમાં લખ્યું, “કેટલીક પ્રાર્થનાઓ એવી હોય છે જે હંમેશા માટે યાદોનો હિસ્સો બની જાય છે. ‘નમામિ શમીશાન’ તેમાંથી જ એક છે. મેં આ ગીત મારી પ્રેગ્નન્સી દરમિયાન રેકોર્ડ કર્યું હતું. આ એવો સમય હતો જેણે મને આસ્થા અને કૃતજ્ઞતાની વધુ નજીક લાવી દીધી. જ્યારે પણ હું આ સાંભળું છું, મને મારી જિંદગીનો એ સુંદર સમય યાદ આવી જાય છે. હર હર મહાદેવ.”
પરિણીતીએ વધુમાં જણાવ્યું કે આ આખો વીડિયો યૂટ્યૂબ અને તમામ મ્યુઝિક પ્લેટફોર્મ પર ઉપલબ્ધ છે.
ફેન્સ લગાવવા લાગ્યા ‘હર હર મહાદેવ’ના નારા
સોશિયલ મીડિયા પર ફેન્સ પરિણીતી ચોપરાના આ વીડિયો પર જોરદાર પ્રતિક્રિયા આપી રહ્યા છે. લોકો તેના અવાજના ખૂબ વખાણ કરી રહ્યા છે.
એક યુઝરે કોમેન્ટ કરતા લખ્યું, “ખૂબ સરસ પરિણીતીજી, ખૂબ જ સુંદર અવાજ.” બીજા યુઝરે લખ્યું, “હર હર મહાદેવ, તમારી દરેક લાઈનમાં ભક્તિ દેખાય છે. સાંભળીને રૂંવાડા ઉભા થઈ ગયા.” ફેન્સ સતત કોમેન્ટ સેક્શનમાં ‘હર હર મહાદેવ’ લખીને પરિણીતી પર પ્રેમ વરસાવી રહ્યા છે.
