મ્યુચ્યુઅલ ફંડમાં સિસ્ટેમેટિક ઇન્વેસ્ટમેન્ટ પ્લાન (SIP) દ્વારા રોકાણ કરનારા દરેક વ્યક્તિના મનમાં એક સવાલ અવારનવાર આવતો હોય છે. સવાલ એ છે કે, મહિનાની કઈ તારીખે રોકાણ કરવું સૌથી વધુ ફાયદાકારક રહેશે? શું સેલરી આવતાની સાથે જ મહિનાની શરૂઆતમાં (જેમ કે 1 કે 5 તારીખે) એસઆઈપી કરવી જોઈએ, કે મહિનાના અંતમાં રોકાણ કરવું વધુ સારું છે?
જો તમે પણ કોઈ એવી જાદુઈ તારીખ શોધી રહ્યા છો, તો ‘વ્હાઇટઓક કેપિટલ મ્યુચ્યુઅલ ફંડ’નો એક લેટેસ્ટ રિસર્ચ રિપોર્ટ તમારા બધા ભ્રમ તોડી નાખશે. ફંડ હાઉસે છેલ્લા 30 વર્ષના (1993થી અત્યાર સુધીના) સેન્સેક્સના આંકડાઓનું ઊંડાણપૂર્વક વિશ્લેષણ કર્યું છે. આ રિસર્ચના પરિણામો ખૂબ જ ચોંકાવનારા છે.
30 વર્ષના આંકડા શું કહે છે?
સામાન્ય રીતે રોકાણકારોને એવું લાગે છે કે મહિનાના અંતમાં બજારમાં વેચવાલીના કારણે એનએવી (NAV) સસ્તી મળે છે. જેનાથી લાંબા ગાળે વધુ નફો થઈ શકે છે. પરંતુ 30 વર્ષનો ઐતિહાસિક ડેટા કંઈક અલગ જ વાર્તા કહે છે.
રિસર્ચ અનુસાર, જો કોઈ રોકાણકારે છેલ્લા 30 વર્ષમાં મહિનાની અલગ-અલગ તારીખો પર એસઆઈપી (10 વર્ષના રોલિંગ રિટર્નના આધારે) કરી, તો તેમના સરેરાશ રિટર્ન (XIRR) માં કોઈ મોટો તફાવત જોવા મળ્યો નથી:
તારીખ નહીં, સમય છે અસલી કિંગ
આ ડેટા પરથી સ્પષ્ટ થાય છે કે મહિનાની શરૂઆત, મધ્ય કે અંતની તારીખો વચ્ચે રિટર્નનો તફાવત માત્ર 0.02% થી 0.04% જેટલો જ છે. લાંબા ગાળાના પોર્ટફોલિયોમાં આ તફાવત બિલકુલ નહિવત સમાન છે.
આનું મુખ્ય કારણ મ્યુચ્યુઅલ ફંડનો મૂળભૂત સિદ્ધાંત ‘રૂપી કોસ્ટ એવરેજિંગ’ (Rupee Cost Averaging) છે. જ્યારે તમે 10, 15 કે 20 વર્ષ જેવી લાંબી અવધિ માટે એસઆઈપી કરો છો, ત્યારે બજારના તમામ ઉતાર-ચઢાવ આપોઆપ એવરેજ થઈ જાય છે. તેથી, માર્કેટને ટાઈમ કરવાનો પ્રયાસ કરવો તદ્દન નકામો સાબિત થાય છે.
તમારા માટે કઈ તારીખ બેસ્ટ છે?
ફાઇનાન્સિયલ એક્સપર્ટ્સનું માનવું છે કે એસઆઈપી માટે સૌથી સારી તારીખ એ જ છે, જે તમારી આર્થિક સ્થિતિને અનુકૂળ હોય.
નિષ્ણાતોના મતે બેસ્ટ પ્લાનિંગ:
-
નોકરિયાત વર્ગ: સેલરી એકાઉન્ટમાં જમા થયાના 3 થી 5 દિવસની અંદરની તારીખ પસંદ કરવી સૌથી બેસ્ટ છે. આનાથી પૈસા બીજા ખર્ચમાં વપરાય તે પહેલાં જ શિસ્તબદ્ધ રીતે રોકાણ થઈ જાય છે.
-
વ્યાપારી વર્ગ: બિઝનેસ કરનારા લોકો મહિનાની કોઈ પણ એવી તારીખ પસંદ કરી શકે છે, જ્યારે તેમના વેપારમાં કેશ-ફ્લો (નાણાકીય આવક) સૌથી સારો રહેતો હોય.
