ગાંધીનગર મહાનગરપાલિકામાં ભ્રષ્ટાચાર વિરોધી શાખા (ACB) એ મોટી કાર્યવાહી કરી છે. ACB એ ઇન્ચાર્જ આસિસ્ટન્ટ મ્યુનિસિપલ કમિશનર ને 1 લાખ રૂપિયાની લાંચ લેતા રંગેહાથે ઝડપી પાડ્યા છે. આ ઘટનાને પગલે મ્યુનિસિપલ કોર્પોરેશનના અધિકારીઓમાં ફફડાટ મચી ગયો છે.
કોણ છે ઝડપાયેલ આસિસ્ટન્ટ મ્યુનિસિપલ કમિશનર ?
ભ્રષ્ટાચાર વિરોધી શાખા ના હાથે ઝડપાયેલા અધિકારીનું નામ ઉપેન્દ્રકુમાર ક્રાંતિલાલ સુતરીયા છે. તેઓ ગાંધીનગર મહાનગરપાલિકામાં ઇન્ચાર્જ આસિસ્ટન્ટ મ્યુનિસિપલ કમિશનર તરીકે ફરજ બજાવે છે.
શું હતો સમગ્ર મામલો?
આ કેસની વિગતો મુજબ, ફરિયાદી વાહનોના ઓર્થોરાઇઝ ડીલર છે. તેમણે એક ગ્રાહકને વાહન વેચ્યું હતું. આ વાહનના ટેક્સ ભરવા બાબતે મહાનગરપાલિકામાં કેટલીક વિસંગતતા ઊભી થઈ હતી.
આ બાબતે આરોપી ઉપેન્દ્ર સુતરીયાએ ફરિયાદી પાસે નીચેની શરતોએ લાંચની માંગણી કરી હતી:
-
ટેક્સ ભરવાની બાબતે કોઈ ફરિયાદ ન કરવા.
-
એજન્સીનું લાયસન્સ રદ ન કરવા.
આ કામ માટે અધિકારીએ રૂ. 1 લાખની લાંચ માંગી હતી.
ભ્રષ્ટાચાર વિરોધી શાખા એ કેવી રીતે ગોઠવ્યું છટકું?
ફરિયાદી લાંચ આપવા માંગતા ન હોવાથી તેમણે ગાંધીનગર ભ્રષ્ટાચાર વિરોધી શાખા નો સંપર્ક કર્યો હતો.
-
ફરિયાદીની ફરિયાદના આધારે ACB એ છટકું ગોઠવ્યું હતું.
-
આરોપીએ જેવી લાંચની રકમ સ્વીકારી, કે તરત જ ACB ની ટીમે તેને ઓફિસમાંથી જ દબોચી લીધો હતો.
-
હાલમાં ACB એ ગુનો નોંધીને આગળની તપાસ હાથ ધરી છે.
ભ્રષ્ટાચાર સામે કડક વલણ
ગાંધીનગરમાં થયેલી આ કાર્યવાહીથી સ્પષ્ટ થાય છે કે સરકારી કચેરીઓમાં ચાલતા ભ્રષ્ટાચાર સામે ACB હવે લાલ આંખ કરી રહી છે. આ અગાઉ પણ હિંમતનગરમાં બોગસ આધાર કાર્ડના કૌભાંડમાં ધરપકડ કરવામાં આવી હતી.
સરકારી અધિકારીઓ દ્વારા લાંચ માંગવી એ ગુનો છે. જો કોઈ તમારી પાસે કામના બદલામાં પૈસા માંગે, તો તુરંત ટોલ ફ્રી નંબર 1064 પર ACB ને જાણ કરો.
