વાસણામાં દારૂબંધીના લીરેલીરા ઉડ્યા
પોલીસ સ્ટેશનની સામે યુવકે દારૂની પોટલી પીધી, હર્ષ સંઘવી કોને કાયદો બતાવશે PI ને કે દારૂડીયાને ?
અમદાવાદના વાસણા વિસ્તારમાં દારૂબંધીના લીરેલીરા ઉડાવતી ઘટના પ્રકાશમાં આવી છે. રાજ્યમાં દારૂબંધી માત્ર કાગળ પર હોવાનું સાબિત કરતો વધુ એક વીડિયો સામે આવ્યો છે. રસ્તા વચ્ચે દારૂ પીતા આ યુવકનો વીડિયો સોશિયલ મીડિયામાં વાઈરલ થયો છે. જેમાં અમદાવાદના વાસણા વિસ્તારમાં પોલીસ સ્ટેશન બહાર જ જાહેરમાં રસ્તા વચ્ચે બેસીને એક યુવક દેશી દારૂની પોટલી પી રહ્યો હતો.
આ વાઈરલ વીડિયોમાં જોઈ શકાય છે કે, વાસણા પોલીસ સ્ટેશનની બહાર જ એક યુવક જાહેર રસ્તા વચ્ચે બેસી ગયો હતો. આ યુવકના હાથમાં દારૂની પોટલી હતી અને વાહનોની અવરજવર વચ્ચે તે દેશી દારૂ પી રહ્યો હતો. ત્યાર બાદ દારૂના નશામાં રસ્તાની વચ્ચે ઉભો થાય છે, ત્યારે આ સમગ્ર ઘટના પોલીસ સ્ટેશન બહાર જ બની હોવાથી વાસણા પોલીસ સામે પણ સવાલો ઉભા થયા છે.
ત્યારે આ ઘટના બાદ ગુજરાતમાં દારૂબંધીના તંત્ર પર સવાલો ઉભા થયા છે.સાથે જ પોલીસની કામગીર પર મોટો પ્રશ્ન ઉભો થાય છે, ત્યારે હવે જોવુ રહ્યું કે, પોલીસ સ્ટેશનની સામે યુવકે દારૂની પોટલી પીધી, હર્ષ સંઘવી કોને કાયદો બતાવશે PI ને કે દારૂડીયાને ?
ઉલ્લેખનીય છે કે, વાસણા પોલીસ સ્ટેશનમાં બુટલેગર હસમુખ લંગડાથી કંટાળીને સ્થાનિકોએ અગાઉ રજૂઆત પણ કરી હતી છતાં કોઈ કાર્યવાહી કરવામાં આવી નથી.
