કેરળના વાયનાડ જિલ્લામાંથી એક ચોંકાવનારા સમાચાર સામે આવ્યા છે. અહીં એક સરકારી સહાય પ્રાપ્ત સ્કૂલના 150 બાળકો અચાનક બીમાર પડ્યા છે. આટલી મોટી સંખ્યામાં બાળકો બીમાર પડતા તંત્ર દોડતું થઈ ગયું છે. હાલ બાળકોની સારવાર ચાલી રહી છે અને બીમારીનું ચોક્કસ કારણ જાણવા તપાસ હાથ ધરવામાં આવી છે.
શું છે સમગ્ર ઘટના?
-
આ ઘટના ઉત્તર કેરળના વાયનાડ જિલ્લાના કોઇલાડી વિસ્તારની છે.
-
અહીં આવેલી માર બેસેલિયોસ ઉચ્ચ પ્રાથમિક શાળાના વિદ્યાર્થીઓ બીમાર પડ્યા છે.
-
ગત ૧ જૂનથી કેટલાક બાળકોમાં તાવ અને ઉલ્ટીની ફરિયાદ શરૂ થઈ હતી.
-
છેલ્લા ત્રણ દિવસમાં આ આંકડો ૧૫૦ સુધી પહોંચી ગયો છે.
-
બાળકોની સાથે શાળાના એક શિક્ષકને પણ શારીરિક તકલીફ થઈ છે.
હોસ્પિટલમાં ખાસ વોર્ડ ઊભો કરાયો
સૌથી વધુ અસરગ્રસ્ત ૩૮ બાળકોને બાથેરી તાલુકા હોસ્પિટલમાં દાખલ કરવામાં આવ્યા છે.
-
બાળકોની ઝડપી સારવાર માટે હોસ્પિટલમાં એક વિશેષ વોર્ડ ઊભો કરવામાં આવ્યો છે.
-
જિલ્લા તબીબી અધિકારી (DMO) એ જણાવ્યું છે કે હાલ કોઈ ગભરાવાની જરૂર નથી.
-
સાવચેતીના ભાગરૂપે સ્કૂલમાં એક સપ્તાહ (૭ દિવસ) ની રજા જાહેર કરી દેવામાં આવી છે.
-
પંચાયતના અધિકારીઓએ હોસ્પિટલની મુલાકાત લીધી હતી. તેમના જણાવ્યા મુજબ બાળકોની હાલત હવે સુધારા પર છે.
બીમારીના કારણની તપાસ શરૂ
આટલા બધા બાળકો એકસાથે કેમ બીમાર પડ્યા તેનું કોઈ સચોટ કારણ હજુ સુધી સામે આવ્યું નથી. આરોગ્ય વિભાગની ટીમ સતર્ક બની છે. ડોક્ટરોએ જણાવ્યું છે કે બીમારીના મૂળ સુધી પહોંચવા માટે બાળકોના સેમ્પલ લેવામાં આવ્યા છે. આ સેમ્પલને તપાસ માટે લેબોરેટરીમાં મોકલી દેવાયા છે. રિપોર્ટ આવ્યા બાદ જ સાચું કારણ જાણી શકાશે.
<
