ઇસ્લામાબાદ: પાકિસ્તાનના પૂર્વ ફાસ્ટ બોલર શોએબ અખ્તર (Shoaib Akhtar) ના મોટા ભાઈ શાહિદ અખ્તરના જનાજા (અંતિમ સંસ્કાર) નો એક વીડિયો સામે આવ્યા બાદ મોટો વિવાદ સર્જાયો છે. આ અંતિમ યાત્રામાં પ્રતિબંધિત આતંકવાદી સંગઠન લશ્કર-એ-તૈયબા (Lashkar-e-Taiba) ના પોલિટિકલ વિંગ સાથે જોડાયેલા અનેક નેતાઓ હાજર રહ્યા હતા, જેના વીડિયો હવે સોશિયલ મીડિયા પર વાયરલ થઈ રહ્યા છે.
આતંકી સંગઠનના રાજકીય પક્ષે જ જાહેર કર્યો વીડિયો
મળતી માહિતી મુજબ, આ વીડિયો લશ્કર-એ-તૈયબાના પોલિટિકલ વિંગ ગણાતા પક્ષ ‘પાકિસ્તાન મરકઝી મુસ્લિમ લીગ’ (PMML) દ્વારા સત્તાવાર રીતે જાહેર કરવામાં આવ્યો છે. શાહિદ અખ્તરની જનાજાની નમાજમાં પીએમએમએલ ઇસ્લામાબાદના પ્રમુખ ઇનામ-ઉર-रहમાન કમ્બોહ, ડેપ્યુટી જનરલ સેક્રેટરી અબ્દુલ્લા તૂર અને ઝોનલ સેક્રેટરી હાફિઝ ઉમર જેવા નેતાઓ શોએબ અખ્તર સાથે જોવા મળ્યા હતા.
હાફિઝ સઈદનો પુત્ર ચલાવે છે આ સંગઠન
પાકિસ્તાન મરકઝી મુસ્લિમ લીગ (PMML) એ વાસ્તવમાં પ્રતિબંધિત સંગઠન જમાત-ઉદ-દાવા (JuD) નો જ એક ભાગ છે. મુંબઈ આતંકી હુમલાના માસ્ટરમાઇન્ડ અને લશ્કર ચીફ હાફિઝ સઈદનો પુત્ર તલ્હા સઈદ આ પોલિટિકલ વિંગનો મુખ્ય નેતા છે. આ ઘટનાએ પાકિસ્તાનનો આતંકવાદીઓ પ્રત્યેનો નરમ વલણ ફરી એકવાર દુનિયા સામે બેનકાબ કર્યો છે.
🚨 Shoaib Akhtar's Brother's Funeral. Why Were LeT Linked Leaders There?
Shahid Akhtar's funeral was attended by PMML Islamabad President Inam ur Rehman Kamboh and other LeT leaders.
A simple question. Why were senior LeT linked figures present at Shoaib Akhtar's brother's… pic.twitter.com/wnhZpFz3Fn
— TheGlobalDecoder (@TGD_06) June 26, 2026
યુએસ (US) રિપોર્ટે પણ ખોલી પોલ
તાજેતરમાં જ અમેરિકાના એક રિપોર્ટમાં પણ ખુલાસો થયો હતો કે પાકિસ્તાન હજુ પણ આતંકવાદીઓ માટે સુરક્ષિત આશ્રયસ્થાન બનેલું છે. માર્ચમાં જાહેર થયેલા ‘કોંગ્રેસનલ રિસર્ચ સર્વિસ’ ના અહેવાલમાં જણાવાયું હતું કે પાકિસ્તાન પોતાની ધરતી પર ખુલ્લેઆમ ફરતા આતંકી સંગઠનો અને ભારત વિરોધી તત્વો સામે કડક પગલાં લેવામાં સંપૂર્ણપણે નિષ્ફળ રહ્યું છે.
ભાઈના મોતનું કારણ સ્પષ્ટ નથી
શોએબ અખ્તરના મોટા ભાઈ શાહિદ અખ્તરનું આ અઠવાડિયાની શરૂઆતમાં નિધન થયું હતું. જોકે, તેમના મોતના કારણ અંગે પરિવારે કોઈ સત્તાવાર માહિતી આપી નથી. શોએબે સોશિયલ મીડિયા પ્લેટફોર્મ X પર પોસ્ટ કરીને ભાઈના અવસાન અંગે દુઃખ વ્યક્ત કર્યું હતું અને જનાજાની નમાજ અંગે જાણકારી આપી હતી.
