મહારાષ્ટ્ર વિધાન પરિષદ ચૂંટણી: છેલ્લી ઘડીએ કોંગ્રેસ પાછળ હટી, ઉદ્ધવ જૂથને આપ્યું સમર્થન

મુંબઈ: મુંબઈ: મહારાષ્ટ્રમાં વિધાન પરિષદ (MLC) ચૂંટણી માટે ઉમેદવારી પત્રો ભરવાના અંતિમ દિવસે તીવ્ર રાજકીય ગતિવિધિ જોવા મળી હતી. ગુરુવારે 12 મેના રોજ આ ચૂંટણીઓ માટે ઉમેદવારી પત્રો ભરવાની અંતિમ તારીખ હતી, અને રાજકીય ગતિવિધિઓ છેલ્લી ઘડી સુધી તેજ રહી હતી. શાસક ‘મહાયુતિ’ ગઠબંધનનું પ્રતિનિધિત્વ કરતા, ભાજપે પાંચ ઉમેદવારો ઉભા રાખ્યા હતા. મુખ્યમંત્રી દેવેન્દ્ર ફડણવીસ, પ્રદેશ પ્રમુખ ચંદ્રશેખર બાવનકુલે અને મંત્રી આશિષ શેલાર સહિત અનેક અગ્રણી નેતાઓ આજે તેમના ઉમેદવારી પત્રો ભરવા પહોંચ્યા હતા. વધુમાં, ભાજપે પેટાચૂંટણી બેઠક માટે પ્રજ્ઞા સાતવને ઉમેદવાર તરીકે નામાંકિત કર્યા છે, જ્યાં તેમની બિનહરીફ ચૂંટણી થવાની સંભાવના ખૂબ જ ઓછી છે. મહારાષ્ટ્ર વિધાન પરિષદની ચૂંટણીમાં ફોર્મ ભરવાના છેલ્લા દિવસે મોટો રાજકીય ઉલટફેર જોવા મળ્યો છે. કોંગ્રેસે પોતાનો ઉમેદવાર મેદાનમાં ઉતારવાને બદલે શિવસેના (UBT) ના અંબાદાસ દાનવેને ટેકો આપ્યો છે.

નિર્વિરોધ ચૂંટણીની શક્યતા

રાજ્યમાં વિધાન પરિષદની કુલ 9 બેઠકો માટે માત્ર 9 ઉમેદવારોએ જ નામાંકન દાખલ કર્યું છે. આથી, આગામી 12 મેના રોજ યોજાનારી આ ચૂંટણી હવે નિર્વિરોધ થાય તેવું લગભગ નક્કી માનવામાં આવે છે.

પક્ષો અને તેમના ઉમેદવારો

• ભાજપ: ભાજપે સૌથી વધુ 5 ઉમેદવારો મેદાનમાં ઉતાર્યા છે. જેમાં સુનીલ કરજતકર, માધવી નાઈક, વિક્રમ કોલ્હે, પ્રમોદ જઠાર અને સંજય ભેંડેનો સમાવેશ થાય છે.

• શિવસેના (શિંદે જૂથ): નીલમ ગોરહે અને બચ્ચુ કડુએ ફોર્મ ભર્યા છે.

• NCP (અજિત પવાર જૂથ): જીશાન સિદ્દીકીને ટિકિટ આપવામાં આવી છે.

• શિવસેના (ઉદ્ધવ જૂથ): વિપક્ષ તરફથી અંબાદાસ દાનવે ઉમેદવાર છે.

કોંગ્રેસે કેમ લીધો આ નિર્ણય?

કોંગ્રેસ પાસે જીતવા માટે જરૂરી ધારાસભ્યોનું સંખ્યાબળ નહોતું. એક બેઠક જીતવા માટે 29 ધારાસભ્યો જોઈએ. ઉદ્ધવ જૂથ (20) અને શરદ પવાર જૂથ (10) પાસે મળીને 30 ધારાસભ્યો છે, જે એક બેઠક જીતવા પૂરતા છે. જો કોંગ્રેસ (16) મેદાનમાં ઉતરત તો મહાવિકાસ આઘાડી (MVA) ના મતો વહેંચાઈ જાત અને હારનું જોખમ વધી જાત.

રાજકીય સંદેશ

કોંગ્રેસે આ વ્યૂહરચના દ્વારા ગઠબંધન બચાવવા અને ભવિષ્યની વિધાનસભા ચૂંટણીઓ માટે પોતાની સ્થિતિ મજબૂત કરવાનો પ્રયાસ કર્યો છે.