આઈપીએલ 2026ની શરૂઆત પહેલા કોલકાતા નાઈટ રાઈડર્સ (KKR) ની મુશ્કેલીઓ સતત વધી રહી છે. સ્ટાર બોલર હર્ષિત રાણા ઈજાના કારણે પહેલા જ બહાર થઈ ગયો છે, ત્યારે હવે વધુ એક ભારતીય ફાસ્ટ બોલર આખી સીઝનમાંથી બહાર થઈ ગયો છે.આકાશ દીપ IPL 2026 માંથી બહાર થયો છે.
આકાશ દીપ IPL 2026 માંથી બહાર
KKR એ હરાજીમાં આકાશ દીપને 1 કરોડ રૂપિયામાં ખરીદ્યો હતો. ક્રિકબઝના અહેવાલ મુજબ, આકાશ ઈજાના કારણે આગામી સીઝનમાં રમી શકશે નહીં. KKR ના અધિકારીએ પુષ્ટિ કરી છે કે તે આખા વર્ષ માટે ટીમની બહાર રહેશે.
KKR માટે મોટું નુકસાન
-
હર્ષિત રાણાની ગેરહાજરીમાં આકાશ પર બોલિંગની જવાબદારી હતી.
-
શ્રીલંકાનો ફાસ્ટ બોલર મથીષા પથિરાના પણ હજુ સંપૂર્ણ ફિટ નથી.
-
આકાશ દીપ હાલમાં બેંગલુરુના સેન્ટર ઓફ એક્સલન્સ (COE) માં રિકવરી કરી રહ્યો છે.
આકાશ દીપની IPL કારકિર્દી
બંગાળના 29 વર્ષીય ફાસ્ટ બોલર આકાશ દીપની કારકિર્દી ઈજાઓથી ઘેરાયેલી રહી છે. તેણે અત્યાર સુધી આઈપીએલમાં 14 મેચ રમી છે અને 10 વિકેટ ઝડપી છે. ગત સીઝનમાં તે લખનૌની ટીમનો ભાગ હતો, પરંતુ ક્યારેય આખી સીઝન રમી શક્યો નથી.
કોલકાતામાં KKR નો કેમ્પ 18 માર્ચથી શરૂ થયો છે, પરંતુ આકાશ તેમાં જોડાઈ શક્યો નહોતો. હવે KKR તેના સ્થાને કયા ખેલાડીને ટીમમાં સામેલ કરે છે તે જોવું રસપ્રદ રહેશે.
