ઈરાન યુદ્ધ વચ્ચે ભારતે સમુદ્રમાં મોટી સફળતા મેળવી છે. હોર્મુઝ સ્ટ્રેટ (Strait of Hormuz) માં ચાલી રહેલા તણાવ છતાં, ભારતનું પહેલું તેલ ટેન્કર સુરક્ષિત રીતે મુંબઈ બંદરે પહોંચી ગયું છે. ભારતીય કેપ્ટનની સૂઝબૂઝને કારણે આ જોખમી મિશન સફળ રહ્યું છે.
કેવી રીતે આપ્યો દુશ્મનોને ચકમો?
જ્યારે દુનિયાભરના જહાજો આ રસ્તેથી પસાર થતા ડરે છે, ત્યારે ભારતીય કેપ્ટને ‘ડાર્ક મોડ’ રણનીતિ અપનાવી હતી:
ટ્રેકિંગ સિસ્ટમ બંધ કરી: જોખમી વિસ્તારમાં જહાજની AIS (Automatic Identification System) બંધ કરી દેવામાં આવી હતી.
લોકેશન છુપાવ્યું: સિસ્ટમ બંધ થવાથી દુશ્મનો માટે જહાજને ટ્રેક કરવું અશક્ય બન્યું હતું.
સુરક્ષિત એન્ટ્રી: 9 માર્ચે ગાયબ થયેલું જહાજ સીધું બુધવારે મુંબઈ પોર્ટ પર દેખાયું હતું.
1.35 લાખ મેટ્રિક ટન તેલની આયાત
લાઈબેરિયાના ધ્વજવાળું ‘શેનલોંગ સુએઝમેક્સ’ ટેન્કર સાઉદી અરેબિયાથી કાચું તેલ લઈને આવ્યું છે. આ જહાજમાં 1,35,335 મેટ્રિક ટન ક્રૂડ ઓઈલ છે. હવે આ તેલને મુંબઈની રિફાઈનરીઓમાં મોકલવામાં આવશે.
હોર્મુઝ સ્ટ્રેટ કેમ મહત્વનું છે?
વિશ્વના કુલ તેલ વપરાશનો 20% હિસ્સો આ રસ્તેથી પસાર થાય છે.
ઈરાને હાલમાં આ સમુદ્રી રસ્તો બંધ કર્યો છે.
છેલ્લા બે અઠવાડિયામાં ઈરાને અહીં 16 જહાજો પર હુમલા કર્યા છે.
ભારતીય નાવિકોની સુરક્ષા
ભારત સરકારના જણાવ્યા મુજબ, હાલ આ વિસ્તારમાં ભારતના 28 જહાજો છે. આ જહાજો પર કુલ 778 ભારતીય નાવિકો સવાર છે. સરકાર દરેક જહાજની સુરક્ષા પર સતત નજર રાખી રહી છે.
