પાકિસ્તાન ક્રિકેટ ટીમને મોટો ફટકો: ICCના આકરા પગલાંથી WTC પોઈન્ટ ટેબલમાં બચ્યા માત્ર 4 પોઈન્ટ

ICC Action on Pakistan: પાકિસ્તાન ક્રિકેટ ટીમની મુશ્કેલીઓ સતત વધી રહી છે. બાંગ્લાદેશ સામેની ટેસ્ટ શ્રેણીની પ્રથમ મેચમાં હાર બાદ હવે આંતરરાષ્ટ્રીય ક્રિકેટ કાઉન્સિલ (ICC) એ પાકિસ્તાન પર મોટું એક્શન લીધું છે. સ્લો ઓવર રેટના કારણે પાકિસ્તાન ટીમને ભારે નુકસાન વેઠવું પડ્યું છે. ICCએ પાકિસ્તાન ક્રિકેટ ટીમ સામે કડક કાર્યવાહી કરી છે, ભારે દંડ ફટકાર્યો છે, જેનાથી તેમના તણાવમાં વધારો થશે. પાકિસ્તાની ટીમ હાલમાં વર્લ્ડ ટેસ્ટ ચેમ્પિયનશિપ 2025-27 ચક્રના ભાગ રૂપે બે મેચની ટેસ્ટ શ્રેણી માટે બાંગ્લાદેશના પ્રવાસે છે. પહેલી મેચ મીરપુર સ્ટેડિયમમાં રમાઈ હતી, જ્યાં પાકિસ્તાની ટીમ 104 રનથી હારી ગઈ હતી. ICC એ હવે મીરપુર ટેસ્ટમાં ધીમા ઓવર-રેટ બદલ પાકિસ્તાની ટીમ સામે નોંધપાત્ર કાર્યવાહી કરી છે, તેમની મેચ ફી દંડ ફટકાર્યો છે અને વર્લ્ડ ટેસ્ટ ચેમ્પિયનશિપ 2025-27 પોઈન્ટ ટેબલમાંથી તેમના પોઈન્ટમાં નોંધપાત્ર ઘટાડો કર્યો છે.

મીરપુર ટેસ્ટમાં મળી હાર અને દંડ

પાકિસ્તાનની ટીમ અત્યારે બાંગ્લાદેશના પ્રવાસે છે. મીરપુરમાં રમાયેલી પ્રથમ ટેસ્ટ મેચમાં બાંગ્લાદેશે પાકિસ્તાનને 104 રનથી હરાવ્યું હતું. આ હાર બાદ ICC એ સ્લો ઓવર રેટ (ધીમી ઓવર ગતિ) માટે પાકિસ્તાની ટીમ પર મેચ ફીનો 40 ટકા દંડ ફટકાર્યો છે.

WTC પોઈન્ટ ટેબલમાંથી 8 પોઈન્ટ કપાયા

ICC ના અહેવાલ મુજબ, પાકિસ્તાને નિર્ધારિત સમયમાં 8 ઓવર ઓછી ફેંકી હતી.

• નિયમ મુજબ પ્રતિ ઓવર એક પોઈન્ટ કાપવામાં આવે છે.

• આ કારણે પાકિસ્તાનના ખાતામાંથી 8 મહત્વના પોઈન્ટ કાપી લેવામાં આવ્યા છે.

• હવે વર્લ્ડ ટેસ્ટ ચેમ્પિયનશિપ (WTC 2025-27) ના પોઈન્ટ ટેબલમાં પાકિસ્તાન પાસે માત્ર 4 પોઈન્ટ બચ્યા છે.

પોઈન્ટ ટેબલમાં પાકિસ્તાન 8મા સ્થાને ફેંકાયું

આ આકરા એક્શન બાદ પાકિસ્તાન ટીમ WTC પોઈન્ટ ટેબલમાં સીધી 8મા નંબરે પહોંચી ગઈ છે. પાકિસ્તાનથી નીચે હવે માત્ર વેસ્ટ ઈન્ડિઝની ટીમ છે. પાકિસ્તાનના કેપ્ટન શાન મસુદે આ ભૂલ સ્વીકારી લીધી છે, તેથી હવે આ મામલે કોઈ સત્તાવાર સુનાવણી થશે નહીં.

બંને દેશો વચ્ચે શ્રેણીની બીજી અને અંતિમ ટેસ્ટ મેચ 16 મેથી સિલ્હટના મેદાન પર રમાશે.

WTC 2025-27 લેટેસ્ટ પોઈન્ટ ટેબલ (Latest Points Table)

નીચે જુઓ આઈસીસી દ્વારા જાહેર કરાયેલું નવું પોઈન્ટ ટેબલ: