ભારતીય ઉદ્યોગજગત અને અદાણી જૂથ (Adani Group) માટે અમેરિકાથી બહુ મોટા રાહતના સમાચાર આવ્યા છે. અમેરિકી ન્યાય વિભાગે (US Department of Justice) ગૌતમ અદાણી અને સાગર અદાણી સામેના તમામ ગુનાહિત આરોપો (Criminal Charges) કાયમી ધોરણે પાછા ખેંચી લીધા છે.
ન્યૂયોર્કની કોર્ટે આ કેસને ‘વિથ પ્રિજુડિસ’ (With Prejudice) રદ કર્યો છે. આનો અર્થ એ થાય છે કે ભવિષ્યમાં પણ આ કેસને ફરી ક્યારેય ખોલી શકાશે નહીં. આ ક્લીનચીટ બાદ અદાણી ગ્રુપ પરથી કાનૂની સંકટ સંપૂર્ણપણે હટી ગયું છે.
શું હતો સમગ્ર મામલો?
-
વર્ષ ૨૦૨૪ના અંતમાં અમેરિકી એજન્સીઓએ અદાણી જૂથ પર ગંભીર આરોપો મૂક્યા હતા.
-
આરોપ હતો કે સોલાર એનર્જીના કોન્ટ્રાક્ટ માટે ૨૬.૫ કરોડ ડોલરની લાંચ આપવાની યોજના હતી.
-
અમેરિકી રોકાણકારોથી આ વાત છુપાવીને ભંડોળ મેળવ્યું હોવાનો પણ દાવો હતો.
-
જોકે, તપાસ દરમિયાન અમેરિકી એજન્સીઓને કોઈ નક્કર પુરાવા મળ્યા નહોતા.
-
આ કેસમાં કોઈ ‘સ્પષ્ટ અમેરિકી લિંક’ પણ સાબિત થઈ શકી નહોતી.
અમેરિકી ન્યાય વિભાગે શું કહ્યું?
અમેરિકી ન્યાય વિભાગે કોર્ટમાં જણાવ્યું કે તેઓએ આ સમગ્ર કેસની ઝીણવટભરી સમીક્ષા કરી છે. પ્રોસિક્યુટોરિયલ ડિસ્ક્રિશન (અભિયોજન વિવેકાધિકાર) હેઠળ આ નિર્ણય લેવાયો છે. વિભાગ હવે આ કેસ પાછળ વધુ સંસાધનો કે સમય બગાડવા માંગતું નથી. તેથી કોર્ટે તમામ આરોપો ફગાવી દીધા છે.
SEC સાથે સિવિલ કેસની શાંતિપૂર્ણ પતાવટ
બીજી તરફ, અમેરિકી શેરબજારના નિયમનકાર SEC સાથેના સિવિલ કેસનો પણ નિકાલ થયો છે.
-
ગૌતમ અદાણી ૬૦ લાખ ડોલર ચૂકવવા સંમત થયા છે.
-
સાગર અદાણી ૧.૨ કરોડ ડોલર ચૂકવવા સંમત થયા છે.
-
ખાસ વાત એ છે કે, આ પતાવટમાં બંનેમાંથી કોઈએ પણ પોતાની કોઈ ભૂલ કે ગેરરીતિ સ્વીકારી નથી.
શેરબજારમાં જોરદાર ઉછાળો: રોકાણકારો ખુશ
આ ઐતિહાસિક સમાચાર આવતાની સાથે જ ભારતીય શેરબજારમાં અદાણી ગ્રુપના શેરોમાં રોકેટ ગતિએ તેજી આવી છે. અદાણી એન્ટરપ્રાઇઝિસ અને અદાણી પોર્ટ્સ સહિત તમામ શેરો જોરદાર ઉછળ્યા છે. બજારના નિષ્ણાતોના મતે, આ જીત બાદ અદાણી ગ્રુપના વૈશ્વિક બિઝનેસ વિસ્તરણને નવી પાંખો મળશે.
