ટ્રમ્પ પરનો હુમલો અસલી કે ‘સ્ક્રિપ્ટેડ’? સોશિયલ મીડિયા પર કોન્સ્પિરેસી થિયરીનું ઘોડાપૂર

અમેરિકાના પૂર્વ રાષ્ટ્રપતિ ડોનાલ્ડ ટ્રમ્પ (Donald Trump) પર પેન્સિલવેનિયાની રેલીમાં થયેલા હુમલાએ સમગ્ર વિશ્વને હચમચાવી દીધું હતું. આ ઘટના બાદ સોશિયલ મીડિયા પર બે ભાગ પડી ગયા છે. કેટલાક તેને વાસ્તવિક હુમલો ગણાવે છે, તો કેટલાક તેને માત્ર એક ‘સ્ટેજ્ડ’ અથવા પૂર્વઆયોજિત કાવતરું માની રહ્યા છે.  પેન્સિલવેનિયાના બટલરની એ રેલી, સ્ટેજ પર ગુંજેલી ગોળીઓ, લોહીલુહાણ ચહેરો અને સુરક્ષાકર્મીઓની વચ્ચે હવામાં ઉઠાવેલી ટ્રમ્પની મુઠ્ઠી. આ દ્રશ્યો ઇતિહાસમાં કાયમ માટે અંકિત થઈ ગયા. પરંતુ, આ ઘટના જેટલી આઘાતજનક હતી, તેટલી જ તેના પરની સાજિશની થીયરીઓ પણ ચોંકાવનારી છે. હવે ટ્રમ્પના બીજા કાર્યકાળ દરમિયાન ફરી એકવાર સવાલ ઉઠી રહ્યો છે. શું આ હુમલો ખરેખર ‘સ્ટેજ્ડ’ (રચાયેલો) હતો?

બટલર રેલી અને તે ઐતિહાસિક તસવીર

જુલાઈ 2024માં પેન્સિલવેનિયાના બટલર ખાતે ટ્રમ્પ ની રેલીમાં અચાનક ગોળીબાર થયો હતો. ગોળી ટ્રમ્પના કાનને અડીને નીકળી ગઈ અને તેમનો ચહેરો લોહીલુહાણ થઈ ગયો. તે જ સમયે સુરક્ષાકર્મીઓ વચ્ચે હવામાં મુઠ્ઠી ઉઠાવેલી તેમની તસવીર વાઈરલ થઈ હતી. આ તસવીર તેમના ચૂંટણી અભિયાન માટે ટર્નિંગ પોઈન્ટ સાબિત થઈ હતી.

કાવતરાના દાવા પાછળના તર્ક

સોશિયલ મીડિયા પર ઘણા લોકોએ એવો દાવો કર્યો કે આ હુમલો ટ્રમ્પ ના પક્ષમાં સહાનુભૂતિ મેળવવા માટે કરવામાં આવ્યો હતો.

• કેટલાક લોકો તેને હોલીવુડની ફિલ્મ જેવો ‘સ્ક્રિપ્ટેડ’ ડ્રામા ગણાવે છે.

• અમુક દાવાઓ મુજબ, ટ્રમ્પે નકલી લોહી અથવા બ્લેડનો ઉપયોગ કર્યો હતો.

• જોકે, નિષ્ણાતો આ તર્કને નકારે છે, કારણ કે લાઈવ રેલીમાં હજારો કેમેરા સામે આવું કરવું અશક્ય છે.

તપાસમાં શું બહાર આવ્યું?

FBI ની તપાસ મુજબ, હુમલાખોર થોમસ ક્રૂક્સ નામનો 20 વર્ષીય યુવાન હતો. તેણે બિલ્ડિંગની છત પરથી 8 રાઉન્ડ ફાયરિંગ કર્યું હતું. આ હુમલામાં:  હજારો લોકો, પત્રકારો અને લાઈવ કેમેરાની સામે બનેલી આ ઘટનાની વિઝ્યુઅલ ફોરેન્સિક તપાસમાં સત્ય કંઈક અલગ જ છે. હુમલાખોરે નજીકની ઇમારતની છત પરથી ૮ રાઉન્ડ ફાયર કર્યા હતા. એક ગોળી ટ્રમ્પના જમણા કાનને સ્પર્શીને નીકળી ગઈ હતી. આ હુમલામાં કોરી કોમ્પેરેટોર નામના એક નિર્દોષ વ્યક્તિનું મોત થયું હતું અને અન્ય બે ગંભીર રીતે ઘાયલ થયા હતા.

1. એક નિર્દોષ નાગરિકનું મોત થયું હતું.

2. અન્ય બે લોકો ગંભીર રીતે ઘાયલ થયા હતા.

3. હુમલાખોર વળતા ગોળીબારમાં માર્યો ગયો હતો.

શું હુમલો ‘સ્ટેજ’ કરવો શક્ય છે?

નિષ્ણાતોના મતે, હવામાં ગોળી ચલાવીને માત્ર કાનને ઈજા પહોંચાડવી એ ટેકનિકલી અત્યંત જોખમી છે. સહેજ પણ ભૂલ જાનલેવા સાબિત થઈ શકે. વળી, હુમલાખોર પોતે મરવા માટે તૈયાર હોય તેવું કાવતરું રચવું પણ તર્કહીન લાગે છે.

સુરક્ષામાં ગંભીર ચૂક જરૂર હતી, જેના કારણે સીક્રેટ સર્વિસ પર સવાલો ઉઠ્યા છે. પરંતુ તમામ પુરાવાઓ સૂચવે છે કે આ એક વાસ્તવિક અને જીવલેણ હુમલો જ હતો.

આ પહેલીવાર નથી જ્યારે કોઈ મોટા હુમલાને બનાવટી ગણાવવામાં આવ્યો હોય. 1995માં ઇઝરાયલના વડાપ્રધાન યિત્ઝાક રાબિનની હત્યા વખતે પણ દક્ષિણપંથીઓએ આવા જ આક્ષેપો કર્યા હતા. 2022માં આર્જેન્ટિનાના ઉપરાષ્ટ્રપતિ ક્રિસ્ટીના ફર્નાન્ડીઝ ડી કિર્ચનર પર બંદૂક તાણવાની ઘટનાને પણ ભ્રષ્ટાચારના કેસથી ધ્યાન ભટકાવવાનો પેંતરો ગણાવવામાં આવ્યો હતો.