ભારતીય ક્રિકેટ ટીમ (Team India) ના ‘ધુરંધર’ બેટ્સમેનોમાં સામેલ ક્રિકેટર અજિંક્ય રહાણેએ તમામ ફોર્મેટમાંથી નિવૃત્તિ (Ajinkya Rahane Retirement) લઈ લીધી છે. ગુરુવારે એક ઈમોશનલ સોશિયલ મીડિયા પોસ્ટ દ્વારા તેમણે રિટાયરમેન્ટની જાહેરાત કરી હતી.
ક્રિકેટની પીચ પર પોતાના બેટથી ધમાલ મચાવનારા રહાણે કમાણીના મામલે પણ આગળ રહ્યા છે. ક્રિકેટ દ્વારા થતી તેમની ઈનકમ સિવાય બ્રાન્ડ એન્ડોર્સમેન્ટથી પણ તેમણે તગડી કમાણી કરી છે. ચાલો જાણીએ અજિંક્ય રહાણે કેટલી સંપત્તિ (Ajinkya Rahane Networth) ના માલિક છે અને તેમનું કાર કલેક્શન કેટલું લક્ઝરી છે?
ક્રિકેટના ત્રણેય ફોર્મેટમાં હિટ રહાણે
અજિંક્ય રહાણે વન-ડે, ટેસ્ટ કે પછી ઈન્ડિયન પ્રીમિયર લીગ (IPL) ત્રણેય ફોર્મેટમાં હિટ રહ્યા છે. ગત IPL સીઝનમાં તેમણે કોલકાતા નાઈટ રાઈડર્સ (KKR) માટે કપ્તાની કરી હતી. 38 વર્ષના સ્ટાર ક્રિકેટરે પોતાની સોશિયલ મીડિયા પર એ લખતા રિટાયરમેન્ટ લીધું કે, ‘Thank you for all the love and support over the years. Forever grateful.’
અજિંક્ય રહાણેની આટલી છે નેટવર્થ!
મીડિયા રિપોર્ટ્સનો હવાલો આપતા રહાણેની સંપત્તિ વિશે જણાવવામાં આવ્યું છે. આ મુજબ, ક્રિકેટને અલવિદા કહેનારા અજિંક્ય રહાણેની નેટવર્થ અંદાજે 80 કરોડ રૂપિયાની આસપાસ છે. આ સંપત્તિમાં સૌથી મોટો હિસ્સો અલગ-અલગ ફોર્મેટમાં તેમની ક્રિકેટમાંથી થતી કમાણીનો છે. IPL ની તમામ સીઝનમાં તેમને મોટી બોલી લગાવીને ખરીદવામાં આવ્યા હતા. આ સાથે જ વિવિધ કંપનીઓના બ્રાન્ડ એન્ડોર્સમેન્ટ દ્વારા થતી આવક પણ રહાણેની નેટવર્થમાં સામેલ છે.
BCCI તરફથી સેલરી, IPL થી કમાણી
અજિંક્ય રહાણે ભારતીય ક્રિકેટ કંટ્રોલ બોર્ડ એટલે કે BCCI સાથે બી-ગ્રેડ કોન્ટ્રાક્ટ પર હતા અને તેના દ્વારા તેમને 3 કરોડ રૂપિયા સેલરી મળતી હતી. આ સિવાય આઈપીએલ સેલરીની વાત કરીએ તો, ગત સીઝનમાં તેમને 1.5 કરોડ રૂપિયાની બોલી લગાવીને ખરીદવામાં આવ્યા હતા. IPL Season 2016-17, 2017-18 માં રહાણે માટે સૌથી વધુ 8 કરોડ રૂપિયાથી 9.5 કરોડ રૂપિયા સુધીની બોલી લગાવવામાં આવી હતી.
બ્રાન્ડ એન્ડોર્સમેન્ટથી પણ છાપે છે પૈસા
અજિંક્ય રહાણે ક્રિકેટની પીચ પર ધમાલ મચાવવાની સાથે જ ઘણી બ્રાન્ડ્સને એન્ડોર્સ કરતા રહ્યા છે. રિપોર્ટનું માનીએ તો, રહાણે Nike, CEAT, Boost, ELSA Corp થી લઈને IDFC FIRST Bank સુધીની જાહેરાતોમાં જોવા મળતા રહ્યા છે. તેમની પ્રતિ એન્ડોર્સમેન્ટ કમાણીનો સચોટ આંકડો ઉપલબ્ધ નથી, પરંતુ રિપોર્ટ્સમાં આ અંદાજે 1 કરોડ રૂપિયા બતાવવામાં આવે છે.
મોંઘી-લક્ઝરી કાર, આલીશાન ઘર
અજિંક્ય રહાણેની લાઈફસ્ટાઈલ પર નજર કરીએ તો, તેમને મોંઘી અને લક્ઝરી કારનો શોખ છે. તેમના કાર કલેક્શન (Ajinkya Rahane Car Collection) માં મર્સિડીઝ-મેબેક GLS 600 SUV સિવાય BMW 6 સિરીઝ GT, ઓડી Q5 અને ટોયોટા જેવી કંપનીઓની કાર સામેલ છે. જો ઘરની વાત કરીએ તો, મુંબઈમાં તેમનું આલીશાન ઘર છે, જેની કિંમત અંદાજે 20 કરોડ રૂપિયાની આસપાસ બતાવવામાં આવી રહી છે.
