ગુજરાત સ્થાનિક સ્વરાજ્ય ચૂંટણી પરિણામ: તમામ 15 મનપામાં ભાજપનો ભગવો, નગરપાલિકાઓમાં પણ વિરોધ પક્ષોના સૂપડા સાફ

ગુજરાતની સ્થાનિક સ્વરાજ્યની ચૂંટણી માં ભારતીય જનતા પાર્ટીએ (BJP) પ્રચંડ વિજય મેળવીને નવો ઇતિહાસ રચ્યો છે. રાજ્યની તમામ 15 મહાનગરપાલિકાઓમાં ભાજપે ‘ક્લીન સ્વીપ’ કરીને વિપક્ષોને પરાસ્ત કર્યા છે. રાજ્યની 15 મહાનગરપાલિકા, 84 નગરપાલિકા, 34 જિલ્લા પંચાયત અને 260 તાલુકા પંચાયતની કુલ 10,005 બેઠકો માટે યોજાયેલી ચૂંટણીમાં ભગવો લહેરાયો છે. ગત 26 એપ્રિલે થયેલા 57 ટકા મતદાન બાદ આજે(28 એપ્રિલ) આવેલા પરિણામોમાં તમામ 15 મહાનગરપાલિકાઓમાં ભાજપે ‘ક્લીન સ્વીપ’ કરીને વિરોધ પક્ષોને પરાસ્ત કર્યા છે. નગરપાલિકાઓના પરિણામોમાં પણ ભાજપે વિજયી કૂચ જાળવી રાખી છે. 84 નગરપાલિકાઓમાંથી ભાજપે સ્પષ્ટ બહુમતી સાથે મોટાભાગની નગરપાલિકાઓ પર કબજો જમાવ્યો છે.

મહાનગરપાલિકાઓમાં ભાજપનો એકચક્રી શાસન

અમદાવાદ, સુરત, રાજકોટ અને વડોદરા સહિત તમામ 15 મનપામાં ભાજપની સ્પષ્ટ બહુમતી જોવા મળી છે.

• અમદાવાદ: 192 બેઠકોમાંથી 160 બેઠકો પર ભાજપનો વિજય.

• સુરત: 120 માંથી 115 બેઠકો ભાજપે જીતી, વિપક્ષ નેતાનું પદ મળવા પર પણ સંકટ.

• નવસારી: પ્રથમ મનપા ચૂંટણીમાં 52 માંથી 50 બેઠકો ભાજપે કબજે કરી.

• મોરબી-પોરબંદર: ભાજપે તમામ બેઠકો જીતીને વિપક્ષનું ખાતું પણ ખુલવા દીધું નથી.

નગરપાલિકા અને પંચાયતોમાં પણ કેસરીયો

રાજ્યની 84 નગરપાલિકાઓમાં પણ ભાજપનો દબદબો રહ્યો છે. મોટાભાગની નગરપાલિકાઓમાં ભાજપે બહુમતી સાથે સત્તાના સૂત્રો સંભાળ્યા છે. જોકે, જામનગર અને વડોદરાના ડભોઈ જેવી કેટલીક બેઠકો પર કોંગ્રેસે બાજી મારી છે.

ચૂંટણીના મહત્વના પાસાઓ:

• બિનહરીફ બેઠકો: ચૂંટણી પહેલા જ ભાજપે 700થી વધુ બેઠકો બિનહરીફ જીતી લીધી હતી.

• વિરોધ પક્ષની સ્થિતિ: કોંગ્રેસે અમદાવાદ અને અમરેલીમાં બેઠકો વધારી છે, જ્યારે આમ આદમી પાર્ટી (AAP) અને AIMIM માટે આ પરિણામો નિરાશાજનક રહ્યા છે.

• અપક્ષોનો જોર: પાટણ અને ખેડા જેવા વિસ્તારોમાં અપક્ષ ઉમેદવારોએ ભાજપના રથને રોકવામાં સફળતા મેળવી છે.

ગુજરાત સ્થાનિક સ્વરાજ્ય ચૂંટણી પરિણામો 2026

નગરપાલિકાના મહત્વના પરિણામો

પરિણામોનું તારણ

આ પરિણામો સ્પષ્ટ કરે છે કે ગુજરાતના શહેરી અને અર્ધ-શહેરી વિસ્તારોમાં ભાજપની પકડ વધુ મજબૂત બની છે. એન્ટી-ઈન્કમબન્સીની ચર્ચાઓ વચ્ચે પણ જનતાએ ફરી એકવાર ભાજપ પર વિશ્વાસ મૂક્યો છે.