આપણે પરંપરાગત યુદ્ધ, પરમાણુ યુદ્ધ, સાયબર યુદ્ધ સહિતના અનેક પ્રકારના યુદ્ધ સાંભળ્યા હશે, જોકે હવે અંતરિક્ષમાં પણ યુદ્ધનું સંકટ મંડરાઈ રહ્યું છે. વાસ્તવમાં અમેરિકન સેનાના એક મોટા અધિકારીએ રશિયાને લઈને સનસનાટીભર્યો દાવો કર્યો છે. તેમણે ચેતવણી આપી છે કે, રશિયાના રાષ્ટ્રપ્રમુખ વ્લાદિમીર પુતિન (Russia President Vladimir Putin) અંતરિક્ષમાં મોટો હુમલો કરવાની યોજના બનાવી રહ્યા છે.
દુનિયા અત્યારે જમીન અને સમુદ્ર પરના યુદ્ધોથી પરેશાન છે, ત્યાં હવે અંતરિક્ષમાં પણ મહાયુદ્ધના એંધાણ વર્તાઈ રહ્યા છે. અમેરિકાના સૈન્ય પ્રમુખે વ્લાદિમીર પુતિનના ખતરનાક ‘સ્પેસ વોર’ પ્લાન અંગે ગંભીર ચેતવણી આપી છે.
શું છે રશિયાનો સ્પેસ પ્લાન?
અમેરિકન સ્પેસ કમાન્ડના પ્રમુખ જનરલ સ્ટીફન વ્હાઈટિંગે સનસનાટીભર્યો દાવો કર્યો છે કે રશિયા અંતરિક્ષમાં પરમાણુ હથિયાર તૈનાત કરવાની યોજના બનાવી રહ્યું છે. આ હથિયારનો ઉદ્દેશ્ય દુશ્મન દેશોના સેટેલાઈટ્સને નિશાન બનાવવાનો છે.
-
નિશાન: પૃથ્વીની નીચલી કક્ષામાં (Low Earth Orbit) ફરતા સેટેલાઈટ્સ.
-
અસર: જો આ હુમલો થાય, તો દુનિયાભરની સંચાર વ્યવસ્થા, GPS અને હવામાનની આગાહી કરતી સિસ્ટમ ઠપ થઈ શકે છે.
અમેરિકા અને NATO માટે ખતરો
અમેરિકાના મતે, રશિયા પરંપરાગત યુદ્ધમાં અમેરિકા અને નાટો (NATO) સામે નબળું પડી રહ્યું હોવાનું અનુભવે છે. આથી, તે અમેરિકાની સૈન્ય શક્તિને નબળી પાડવા માટે સેટેલાઈટ્સને નષ્ટ કરવાની નવી રીતો શોધી રહ્યું છે.
આંતરરાષ્ટ્રીય સમજૂતીનું ઉલ્લંઘન
રશિયાનો આ પ્લાન ‘1967ની આઉટર સ્પેસ ટ્રીટી’ (Outer Space Treaty) ના વિરુદ્ધ છે.
-
આ સમજૂતી મુજબ કોઈપણ દેશ અંતરિક્ષમાં વિનાશક પરમાણુ હથિયારો રાખી શકતો નથી.
-
રશિયાએ પણ આ કરાર પર હસ્તાક્ષર કર્યા છે, છતાં તે તેનું ઉલ્લંઘન કરવાની તૈયારીમાં હોવાનું જણાય છે.
જો સ્પેસ વોર થાય તો શું થાય?
જો રશિયા અંતરિક્ષમાં પરમાણુ એન્ટી-સેટેલાઈટ હથિયાર છોડે, તો તેની સીધી અસર સામાન્ય માણસના જીવન પર પડશે:
-
મોબાઈલ નેટવર્ક અને ઇન્ટરનેટ સેવાઓ બંધ થઈ શકે છે.
-
વિમાન અને જહાજોના નેવિગેશન (GPS) ખોરવાઈ શકે છે.
-
સેના માટે જાસૂસી કરતા સેટેલાઈટ્સ નકામા બની શકે છે.
